BBC Radio nan Gàidheal

Gaisgeach an MV Richmond Castle

Factual: History

MV Richmond Castle

BBC Radio nan Gàidheal - Gaisgeach an MV Richmond Castle

Sgeulachd mu ghaisgeachd Aonghais Mhoirich à Siabost a bha air bòrd MV Richmond Castle.

Sgeulachd mu ghaisgeachd Aonghais Mhoirich à Siabost a bha air bòrd MV Richmond Castle.
Dramatic account of Angus Murray’s bravery after the sinking of MV Richmond Castle in 1942.

“O, Aonghais Mhoirich, a churaidh, 
Chaidh d' ainm air feadh an taoibh tuath,
Mar neach a bhios maireann 
San t-strì ri tonnan a’ chuain.”

Briathran às an òran a sgrìobh Dòmhnall Iain MacÌomhair mar chuimhneachan air Aonghas Moireach, Aonghas Goosaidh, à Siabost ann an Leòdhas. 

‘S e strì ri tonnan a’chuain gu dearbh a bh’ ann an eachdraidh Aonghais aig àm an Dàrna Cogaidh.  Air a’ cheathramh latha den Lùnastal 1942, ‘s e air bòrd an MV Richmond Castle,  700 mìle an iar air Newfoundland, chaidh am bàta aca a chur fodha le bàt'-aigeil Gearmailteach agus bha Aonghas, mar mheadhan air seachd duine deug dhen chriutha a shàbhaladh. 

Rinn Aonghas seòl a’ cleachdadh plaideachan agus, le chuid èolais aig muir na òige ann an Leòdhas, fhuair e air an ràth a chumail air uachdar na fairge airson naoi latha gus an tàinig cobhair. 

Chaidh am BEM a bhuileachadh air Aonghas airson a chuid gaisgeachd ann a 1942.

Cluinnidh sibh criomagan den chòmhradh a bh’ aig Ceitidh Anna NicChoinnich ri Aonghas ann a 1987 agus cuideachd na cuimhneachain th’ aig an nighean aige Rhoda air na bha i fhèin a' cluinntinn mu na rinn e.   Ged a tha faisg air ceithir fichead bliadhna  bho thachair e tha dlùth cheangal eadar teaghlaichean criutha an MV Richmond Castle.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Gaisgeach an MV Richmond Castle

Genres

BBC Radio nan Gàidheal

About BBC Radio nan Gàidheal