Pìobairean

Original version

BBC Radio nan Gàidheal

Factual: Life Stories

Music

Jo NicDhòmhnaill a’ dèanamh moladh air pìobairean iomraiteach.

Jo NicDhòmhnaill a’ dèanamh moladh air pìobairean iomraiteach. 
Jo MacDonald profiles celebrated pipers.

Pìobairean: Màidsear na Pìoba Dòmhnall MacIllEathain à Leòdhas

Aonghas MacLeòid

Màidsear na Pìoba Dòmhnall MacIllEathain à Leòdhas

BBC Radio nan Gàidheal - Pìobairean, Màidsear na Pìoba Dòmhnall MacIllEathain à Leòdhas

Sgeulachd Màidsear na Pìoba Dòmhnall MacIllEathain à Leòdhas.

Sgeulachd Màidsear na Pìoba Dòmhnall MacIllEathain à Leòdhas. Jo MacDonald profiles Pipe Major Donald MacLean from Lewis.

B’ ann à Bail’ an Truiseil ann an Leòdhas a bha Dòmhnall Aonghais Dhòmhnaill Mhòir, no Màidsear na Pìoba Dòmhnall MacIllEathain.
Às dèidh dha an sgoil fhàgail chaidh e dhan arm agus cha robh e ach dhà air fhichead nuair a fhuair e a theisteanas mar Mhàidsear Pìoba anns na Sìophortaich, am Màidsear Pìoba a b’ òige a bh’ ann an arm Bhreatainn aig an àm. Mus do thòisich an Dàrna Cogadh bha Dòmhnall anns An Èipheit agus ann am Palastain ach ann an 1940, bha e am measg nan saighdearan Breatannach a chaidh a ghlacadh aig St Valery air cost' a tuath na Frainge. Chuir Dòmhnall seachad bliadhnaichean a’ chogaidh na phrìosanach anns a’ Phòlainn agus anns a’ Ghearmailt. Am measg nam port as ainmeil a rinn e tha The Heroes of St Valery agus Major Manson at Clach an Truiseil.
Às dèidh dha an arm fhàgail bha Dòmhnall fad aon bhliadhna deug na mhanaidsear air roinn nam pìob sa bhùth ainmeil aig R. G. Lawrie ann an Glaschu agus bhiodh a dhealbh tric air a chleachdadh sna sanasan aca.
Bha e aithnichte mar shàr phìobaire agus mar dhannsair aig na Geamaichean Gàidhealach air feadh na dùthcha. Choisinn e cuideachd duaisean airson cho spaideil ’s a bha e air èideadh.
Chaochail Dòmhnall ann an 1964 ach tha na puirt aige fhathast air an cluich an-diugh. Anns a' phrògram seo tha Jo NicDhòmhnaill a’ bruidhinn ri fear aig a bheil dlùth chàirdeas ri Dòmhnall agus ri feadhainn aig a bheil ùidh anns an duine agus anns a' cheòl a chruthaich e.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Pìobairean

Màidsear na Pìoba Dòmhnall MacIllEathain à Leòdhas

Genres

Brand

BBC Radio nan Gàidheal

About BBC Radio nan Gàidheal