Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Oll  Urr Dùghlas Mac a' Mhaoilein 1984

15/09/2013

An t-Oll  Urr Dùghlas Mac a' Mhaoilein 1984

Programmes

Sorry, that page was not found

Seirbheis bho thasglann a' BhBC còmhla ris an Oll. Urr Dùghlas Mac a' Mhaoilein 1984.

Seirbheis bho thasglann a' BhBC còmhla ris an Oll. Urr Dùghlas Mac a' Mhaoilein nach maireann. Gaelic archive service from 1984 conducted by the late Professor Douglas MacMillan.

Anns an t-seirbheis cluinnidh sibh na sailm agus leughadh a leanas:
Salm 107: 1-3 air fonn Evan agus 's e Aonghas Moireasdan a tha os cionn na seinn le taic bho choitheanal Eaglais Naomh Vincent ann an Glaschu.
Salm 23: 1-2 air fonn Free Church agus 's e Aonghas Dòmhnallach a tha os cionn na seinn le taic bho choitheanal seamanaraidh na h-Eaglaise Saoire ann an Steòrnabhagh. 

Leughadh: Lùcas 12: 22- 36
Ceann-teagasig: Lùcas 12: 32 

Rugadh Dùghlas Mac a' Mhaoilein ann an Siorrachd Earra-Ghàidheal anns a' bhliadhna 1933. B' e an neach a b' òige a-mach à sianair a theaghlach, agus rugadh is thogadh e ann an dachaigh Chrìosdail, far an cuala e an soisgeul agus far an deach na sgriobtaran a theagasg dha. Dh'fhàs e eòlach air obair croitearachd agus dh'ionnsaich e a' Ghàidhlig. 

Chaidh e dhan àrd-sgoil ann an Eilean Mhuile airson dà bhliadhna, ach ghluais e air falbh bho na teagasgan Crìosdail a chuala e na òige. Ach ri linn bàs a mhàthar thàinig e gu bhith toirt aire nas gèire dhaibh a-rithist, agus an dèidh dha neach a chluinntinn a' searmonachadh air Eòin 3:16 - 'oir is ann mar sin a ghràdhaich Dia an saoghal, gun tug e aon-ghin Mhic fhèin, a-chum is ge b'e neach a chreideas ann nach sgriosar e, ach gum bi a bheatha shìorraidh aige' - chaidh iompachadh. Bha seo ann an 1955, agus bhon àm sin, bha an duine mòr, làidir seo a-nis coisrigte do Chrìosd. 

Shearmonaich e airson a' chiad uair ann an Ceann Loch Gilb ann an 1957 - a' bhliadhna a bhàsaich athair - agus bha e mothachail air gairm Dhè ga threòrachadh chun na ministrealachd. An dèidh dha a dhol tron fhoghlam leis a' mhinistrealachd san amharc, chaidh a phòsadh ri coitheanal na h-Eaglaise Saoire ann an Obair Dheathain ann an 1966. Bhon àm sin, b' ann am measg oileanaich bu motha a chaith e a shaothair mar mhinistear agus mar fhear-teagaisg, a' gluasad gu coitheanal 'St Vincent St' ann an Glaschu ann an 1974. Bha e air a shuidheachadh mar Phroifeasair Eachdraidh Eaglaise ann an Colaiste na h-Eaglaise Saoire ann an 1982, agus chaidh e air ais dhan mhinistrealachd ann an coitheanal Buccleuch ann an Dùn Èideann ann an 1990. 

Phòs e Màiri Chaimbeul, a bha i fhèin na nighean mansa (b' e a h-athair am ministear Gàidhealach ainmeil, an t-Urr. Murchadh Caimbeul, Ruith Sholais), agus bha còignear theaghlach aca: Eilidh, Mhàiri, Niall, Murchadh, agus Dùghlas. 

Bha Dùghlas tarraingeach, cumhachdach mar theachdaire agus mar shearmonaiche Chrìosd, an dà chuid ann am Beurla agus ann an Gàidhlig. Thàinig mòran gu eòlas pearsanta a chuir air Crìosd tro a mhinistrealachd.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Oll Urr Dùghlas Mac a' Mhaoilein 1984

Genres

Brand

BBC Radio nan Gàidheal

About BBC Radio nan Gàidheal