Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Raghnall Moireasdan 2006

05/11/2017

An t-Urr Raghnall Moireasdan 2006

BBC Radio nan Gàidheal - Dèanamaid Adhradh, An t-Urr Raghnall Moireasdan 2006

Seirbheis à tasglann a' BhBC bho 2006 còmhla ris an Urr Raghnall Moireasdan.

Seirbheis à tasglann a' BhBC bho 2006 còmhla ris an Urr Raghnall Moireasdan  Gaelic archive service from 2006 with Rev Ronnie Morrison, Tain Free Church.

Ann an Dèanamaid Adhradh à tasglann a' BhBC air an t-seachdain seo cluinnidh sibh na sailm agus an leughadh a leanas:
Salm 102: 25-27 air fonn New London agus 's e Alasdair Greumach a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.

Salm 24: 9-10 air fonn Montrose agus 's e an t-Urr Coinneach Fearghasdan a tha os cionn na seinn le taic bho choitheanal Eaglais Naomh Chaluim Chille ann an Dùn Èideann.

Salm 122: 7-9 air fonn New Cambridge agus 's e an t-Urr Calum Iain MacLeòid a tha os cionn na seinn le taic bho choitheanalan Eaglaisean Leòdhais agus na Hearadh 

Leughadh: 1 Corintianaich 1:10-24
Ceann-teagaisg: 1 Corintianaich 18 


Bha Mgr Moireasdan na mhinistear air coitheanal Eaglais Shaor Bhaile Dhubhthaich agus Manachainn Rois bho 1999 gu 2010. Ged a tha e air a dhreuchd a leigeil seachad tha e fhathast a' fuireach san sgìre. 
Rugadh Mgr Moireasdan ann an Ceann Loch Iù ann an 1945. Na òige ghluais an teaghlach gu Ach Ille Bhuidhe far an deach e dhan sgoil an sin airson ùine ghoirid mus do ghluais iad an uairsin a Sgalpaigh ann an 1954. Bha ùidh mhòr aig Mgr Moireasdan ann am bàtaichean agus ann an iasgach agus bha e san àite cheart airson sin, ach bha aige cuideachd ri oidhirp mhòr a dhèanamh a' Ghàidhlig ionnsachadh agus thairis air na ceithir bliadhna a bha e ann an sin rinn e an gnothach air sin a dhèanamh. 
À Sgalpaigh chaidh iad a bhaile mhòr Ghlaschu - àite ris a bheil ceangal dlùth aige fhathast agus bha e an sin gus an do dh'fhàg e an sgoil aig còig bliadhna deug. 
Às dèidh an sgoil fhàgail bha e ag obair ann an roinn chlò-bhualaidh son ochd bliadhna deug gus an do ghabh teicneòlas thairis cùisean. Nochd diofar obraichean as dèidh sin ach cha do stad e gus an deach e air ais dhan cholaiste agus dhan oilthigh agus cheumnaich e. Às dèidh ceumnachadh aig oilthigh Ghlaschu chaidh Mgr Moireasdan gu Colaiste na h-Eaglaise Saoire ann an Dùn Èideann son trèanadh a bhith na mhinistear. Fhuair e gairm gu coitheanal Ghriomasaigh agus Uibhist a Tuath - a' chiad choitheanal aige agus tha ceanglaichean làidir aige ris an sgìre fhathast. 
Dh'fhàg e Uibhist às a dhèidh agus shiubhail e na mìltean a-null gu ruige Sydney, Astràilia ann an 1997. Cho fad 's a bha e ann an sin chuir e fhèin agus an t-Urramach Coinneach MacLeòid (à Barabhas ach a tha stèidhichte thall an sin ) air dòigh seirbheis Ghàidhlig agus bha iad gu math fortanach oir bha dithis de bhràithrean Mhgr Moireasdain thall air làithean-saora aig an àm agus iad le chèile air leth math ann a bhith a' cur a-mach na loidhne. 
Thill Mgr Moireasdan air ais a dh'Alba ann an 1999 agus chaidh a phòsadh ri coitheanal Bhaile Dhubhthaich far an robh e gus an do leig e dheth a dhreuchd. 
Tha Mgr Moireasdan pòsta aig Joan agus tha dithis chloinne aca - Joanne agus John - agus ceathrar oghaichean. Nuair a bhios ùine aige dha fhèin is toigh leis a bhith cur seachad ùine còmhla ri na h-oghaichean, a' gearradh an fheòir, a' leughadh 's a' coiseachd. Tha ùidh aige ann an càraichean 's bàtaichean agus cluichidh e Sudoku, uill gu ìre air choreigin co-dhiù!

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Raghnall Moireasdan 2006

Genres

Brand

BBC Radio nan Gàidheal

About BBC Radio nan Gàidheal