BBC Radio Scotland FM

Sangsters 

Factual: Arts, Culture & the Media

The Complete Caledonian Imbiber

Billy Kay celebrates Scots sangs wi a wheen bonnie  sangsters that sing thaim.

Sangsters : 26/12/2018

26/12/2018

Sangsters

BBC Radio Scotland - Sangsters, 26/12/2018

Billy Kay celebrates Scots sangs wi a wheen bonnie sangsters that sing thaim.

Billy Kay celebrates the Scots leid an its brawest  sangs fae Burns tae the bothy ballads, wi a wheen kenspeckle sangsters.

Billy Kay celebrates the pouer o Scots sang wi a wheen o the maist kenpeckle sangsters singin in the tradeition the day. In the saicont programme, Billy is jyned bi Shona Donaldson fae Huntly an Chris Wright fae Broughty Ferry wha explore their local sangs. Huntly in Aiberdeenshire maun  be coontit as ane o the sang capitals o Scotland an here Shona sings awthin fae bothy ballads like Drumdelgie tae nonsense sangs like the Pirn Taed Loonie! Billy spiers at the audience “Hou monie o ye oot there actually ken that ye’re pirn taed?” Shona noo bides on Deeside wi her man Paul Anderson, ane o the finest fiddlers in the north east hertland o the Scots fiddle.  Paul threaps that the Scots language o the area an the fiddle tradeition are bound thrang thegither – ane supportin  the ither. We’ll also hear fae Iona Fyfe fae Huntly an Christy Scott fae Buckie aboot their identity wi the sangs an the leid o their hame area, wi Iona singin the bothy ballad Guise o Tough an Christy singin aboot a puir chiel wha’s never haed ony luck wi the lassies – The Muckle Gawkit Gype!

Chris Wright wrocht on the Kist o Riches  projeck on sangs in the Schuil o Scottish Studies archive,  an collectit ballads fae within a few miles o his hame aboot airts that are noo pairt o Dundee but were pairt o rural Angus no sae lang syne. Noo Steve an his frien Steve Byrne  gae intae the schuils an gar bairns tak tent o a sang heritage that wis nearhaund gaun.  We’ll end wi three o the brawest Scots sangs Billy kens – Iona singin Logie o Buchan, John Morran fae Ayrshire singin Burns’s Yestreen I had a Pint o Wine an finally Robyn Stapleton fae Stranraer singin an speakin the words o the Scots sang that’s noo an international anthem o frienship, Auld Lang Syne.

Accessibility links

Programme Index

Sangsters

26/12/2018

Genres

Brand

BBC Radio Scotland FM

About BBC Radio Scotland