Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

DÃ¨anamaid Adhradh

Dèanamaid Adhradh: Tasglann - An Canan DÃ²mhnall MacAoidh nach maireann bho 1998

06/06/2010

Tasglann - An Canan DÃ²mhnall MacAoidh nach maireann bho 1998

BBC Radio nan Gàidheal - Dèanamaid Adhradh, Tasglann - An Canan DÃ²mhnall MacAoidh nach maireann bho 1998

Còmhla ris a' Chanan Dòmhnall MacAoidh bho 1998 nuair a bha e na shagart ann am Barraigh.

Còmhla ris a' Chanan Dòmhnall MacAoidh bho 1998 nuair a bha e na shagart am Barraigh. Gaelic service from 1998 with Canon Donald MacKay, who was Parish Priest in Castlebay.

Anns an t-seirbheis cluinnidh sibh na laoidhean agus leughaidhean a leanas:
Còisir Eaglais Naomh Barr a' seinn Laoidh Chaluim Chille, O Thig a Nuas a Spioraid Naoimh agus Fàilte air Reul na Mara.
Còisir Òg a' Bhàgh a Tuath le Sìth agus Còisir Eaglais Naoimh Mhìcheil a' seinn Is Naomh, Naomh, Naomh Thu.

Leughaidhean Lucas 6: 27-38

Rugadh an Canan Dòmhnall MacAoidh ann an Uibhist a Deas. Chaidh a thogail ann an sgìre Ghearradh na Mònadh agus b' ann nuair a bha e na chlèireach air an altar ann an Eaglais Màthair na Dòrainne a rinn e suas inntinn gun robh e airson a bhith na shagart agus b' e sin an t-slighe a lean e. 
Chaidh Mgr Dòmhnall gu Sgoil Ghearradh na Mònadh gus an robh e dhà dheug agus chaidh e às an sin gu Sgoil Naomh Vincent air Bruach Chluaidh agus gu Colaiste Blairs. Ghluais e às an sin gu Colaiste na Sagartachd anns an Spàinn, a bha stèidhichte aig an àm sin ann an Valladolid. Ann an 1976 thill e dhachaigh agus ghabh e bòidean na sagartachd. 

Chaidh Mgr Dòmhnall air ais gu Sgoil Naomh Vincent airson bliadhna, an turas-sa na neach-teagaisg. Ghluais e dhan Òban bliadhna às dèidh sin far an do chuir e seachad ùine ann an cuideachd an Easbaig Cailean Mac a' Phearsain agus an Àrd-shagart Thomas Whynn. Bha Mgr Dòmhnall a' frithealadh paraistean Dhalabroig còmhla ri Mgr Niall agus Mgr Iain MacIlleathain agus paraiste a' Ghearastain còmhla ri Mgr Iain MacNèill. Thill e air ais dhan Spàinn airson sia bliadhna agus b' ann aig an àm sin a ghluais Colaiste na Sagartachd bho Valladolid gu Salamanca. 

Ann an 1991 chaidh Mgr Dòmhnall a chuir a Bhàgh a' Chaisteil na shagart paraiste agus bha e a' frithealadh na sgìre sin gu 2001, a' bhliadhna a chomharraich e còig bliadhna fichead na shagart. Bhàsaich a mhàthair dìreach beagan làithean às dèidh dha an ceann-là sin a chomharrachadh agus i air an cothrom fhaighinn a bhith an làthair aig aifreann shònraichte a chaidh a chumail ann am Barraigh air a shon. Ghluais Mgr Dòmhnall dhan Òban ann an 2001 far an robh e stèidhichte aig Cathair Eaglais Naomh Chaluim Chille, chaidh a ghluasad an uairsin gu bhith os cionn paraiste Ceann a Deas Uibhist agus Èirisgeidh.

Bha ùidh mhòr aige ann a bhith leughadh agus a bhith leantainn cor na h-eaglaise air an eadar-lìon, agus bha ùidh mhòr aige ann an ceòl Gàidhealach. Cha robh e na iongnadh sam bith gun robh e gu mòr a sàs ann a bhith toirt taic is brosnachadh don Sgoil Chiùil Shamhraidh aig Ceòlas. Gach bliadhna bhiodh an sgoil chiùil a' tòiseachadh le aifreann Ghàidhlig ann an Eaglais Naomh Peadar ann an Dalabrog agus b' e Mgr Dòmhnall a bhiodh os cionn an aifreann.

Trì bliadhna air ais fhuair Mgr Dòmhnall an naidheachd dhuilich gu robh e a' fulang le aillse. Thar nam mìosan chùm e a' dol le inntinn làidir a' frithealadh na paraiste aig an aon àm 's a bha e a' frithealadh an ospadail. Bhàsaich Mgr Dòmhnall san Lùnastal an uiridh ann an Ospadal Uibhist is Bharraigh.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Tasglann - An Canan DÃ²mhnall MacAoidh nach maireann bho 1998

Genres

Brand

BBC Radio nan Gàidheal

About BBC Radio nan Gàidheal