Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Jack MacArtair, Eaglais Naomh Chaluim Chille, Glaschu - 1990

An t-Urr Jack MacArtair, Eaglais Naomh Chaluim Chille, Glaschu - 1990

BBC Radio nan Gàidheal - Dèanamaid Adhradh, An t-Urr Jack MacArtair, Eaglais Naomh Chaluim Chille, Glaschu - 1990

Seirbheis còmhla ris an Urr Jack MacArtair, Eaglais Naomh Chaluim Chille, Glaschu (1990).

Seirbheis à tasglann a' BhBC còmhla ris an Urr Jack MacArtair (nach maireann), Eaglais Naomh Chaluim Chille - 1990. Gaelic archive service conducted by the late Rev Jack MacArthur.

Anns an t-seirbheis cluinnidh sibh na sailm agus an leughadh a leanas:
Salm 102: 19-20 air fonn Walsall agus 's e Iain A Dòmhnallach a tha os cionn na seinn le taic bho choitheanal Eaglais na h-Alba air an Tairbeart.
Salm 16: 10-11 air fonn Evan agus 's e an t-Urr Seumas Dòmhnallach a tha os cionn na seinn le taic bho choitheanal Eaglais na h-Alba ann an Garrabost.

Leughadh: Eseciel 37: 1-14
Ceann-teagaisg: Eseciel 37: 11


Rugadh Iain Murchadh MacArtair, no Jack mar a b' fheàrr a dh' aithnicheadh daoine e, air an naoidheamh là fichead den Iuchar 1938 ann am baile Mharabhaig an ceann a deas nan Loch ann an Leòdhas. Bha ochdnar anns an teaghlach aca, còignear bhalach agus triùir nighean. Chaidh Mgr MacArtair iompachadh còmhla ri mòran eile ri linn an t-searmonaiche ainmeil, an t-Urr Donnchadh Caimbeul ann an Leòdhas anns na leth-cheudan. Fhuair Mgr MacArtair foghlam ann an Oilthigh Ghlaschu eadar 1957 agus 1959 agus thug e mach dreuchd neach-teagaisg. Chaidh e air ais dhan oilthigh ann an 1963, an turas seo air an t-slighe chun na ministrealachd. Chaidh a phòsadh ris a' chiad choitheanal aige ann an 1966, coitheanal Cheann Loch Biorbhaidh agus Dhiùranais ann an Cataibh far an robh e a' cumail sheirbheisean Gàidhlig. Ann an 1971 ghluais e a Chàrlabhagh agus fhads a bha e ann an Leòdhas thòisich Comhairle nan Eilean ann an 1974. Bha Mgr MacArtair na chathraiche air Comataidh an Fhoghlaim aig a' chomhairle. Dh'fhàg e Leòdhas ann an 1979 agus chaidh e dhan Ath Leathann san Eilean Sgiathanach. Cha robh e fada an sin nuair a chaidh a thaghadh mar chomhairliche air Comhairle Roinn na Gàidhealtachd agus na chathraiche air Roinn an Fhoghlaim ann a sin cuideachd. Bha Mgr MacArtair aithnichte airson an obair mhòr a rinn e anns na h-Eileanan agus air Ghàidhealtachd airson foghlam agus Gàidhlig.

Chaidh a phòsadh ri coitheanal Eaglais Naomh Chaluim Chille ann an Glaschu ann an 1989 far an robh e na mhinistear gus an do leig e dheth a dhreuchd air sgàth a shlàinte ann an 1996. Bha Mgr MacArtair ainmeil mar shearmonaiche a' tàladh sean is òg chun na seirbheisean aige agus bha e cuideachd ainmeil mar neach-poilitigs. Bha e pòsta aig Cathie agus bha dithis nighean agus gille aca. Bhàsaich Mgr MacArtair aig aois tri fichead sa ceithir anns an Dùbhlachd 2002.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Jack MacArtair, Eaglais Naomh Chaluim Chille, Glaschu - 1990

Genres

Brand

BBC Radio nan Gàidheal

About BBC Radio nan Gàidheal