Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Coinneach MacLeòid, Eaglais Shaor Bharabhais 1998 - 1/2

10/06/2018

An t-Urr Coinneach MacLeòid, Eaglais Shaor Bharabhais 1998 - 1/2

BBC Radio nan Gàidheal - Dèanamaid Adhradh, An t-Urr Coinneach MacLeòid, Eaglais Shaor Bharabhais 1998 - 1/2

1/2 Seirbheis bho 1998 còmhla ris an Urr. Coinneach MacLeòid, Eaglais Shaor Bharabhais

Seirbhis à tasglann a' BhBC còmhla ris an Urr. Coinneach MacLeòid, Eaglais Shaor Bharabhais. Gaelic service from BBC archives with Rev Kenneth MacLeod, Barvas Free Church 1998.

Anns an t-seirbheis cluinnidh sibh na sailm agus an leughadh a leanas:
Salm 143: 6-7 air fonn Martyrdom agus 's e an t-Urr Niall Seathach a tha os cionn na seinn le taic bho Eaglais nam Manach Liath ann an Inbhir Nis. 
Salm 61: 1-4 air fonn Walsall agus 's e an t-Urr Murchadh Màrtainn a tha os cionn na seinn le taic bho choitheanal Eaglais Shaor a' Chnuic.
Salm 33: 18-19 air fonn Evan agus 's e D R Dòmhnallach a tha os cionn na seinn le taic bho choitheanal Eaglais Naomh Chaluim Chille ann an Dùn Èideann

Leughadh :Mata 5: 1-18
Ceann-teagaisgMata 5: 3

Rugadh Coinneach MacLeòid ann an sgìre Leumrabhaigh air na Lochan, far an robh athair, a bhuineadh do sgìre Bharabhais, na mhiseanaraidh. Ghluais an teaghlach bho na Lochan dhan Rubha.
Dh'fhàg Coinneach an sgoil aig aois sia bliadhna deug agus chaidh e a dh'ionnsachadh obair saoirsneachd. Aig an àm sin bha aige cuideachd ri seirbheis nàiseanta a dhèanamh agus rinn e sin sa Chabhlach Mharsantach, agus dh'fhàg sin e a' dèanamh seachd bliadhna an àite a dhà aig muir. Anns an ùine sin aig muir shiubhail e timcheall an t-saoghail, a' chuid is motha den ùine sin eadar Astràilia agus New Zealand. Chòrd Astràilia ris na b' fheàrr agus bha sin gu math follaiseach bliadhnaichean às dèidh sin.
Nuair a rinn e na seachd bliadhna chaidh e an uairsin a dh'obair gu Seirbheis nan Taighean Solais agus thòisich e air obair a dhèanamh airson deuchainnean a shuidhe a bheireadh gu ìre oifigeir e. Fhad 's a bha e dèanamh seo dh'fhairich e gun robh aige ri ceum eile a ghabhail na bheatha agus a dhol a-staigh airson na ministrealachd. B' e sin a rinn e agus chaidh e a cholaiste Skerry ann an Glaschu airson e fhèin a dheasachadh airson a dhol tron oilthigh agus às dèidh sin chaidh e a dh'Oilthigh Obar Dheathain agus gu Colaiste na h-Eaglaise Saoire ann an DùnÈideann. Mus robh e deiseil dhan chùrsa aige, thàinig iarrtas thuige bho Chlèir taobh an Ear Astràilia a dhol na mhinistear air Eaglais Shaor Lios Mòr ann an NSW airson còig bliadhna. Chaidh e fhèin agus a bhean, Catriona, agus an leanabh aca, Dòmhnall a-null aig an àm.
Nuair a bha na còig bliadhna aige suas, thill e fhèin Catriona agus a-nise triùir a theaghlach air ais dhan dùthaich seo, far an robh e na mhinistear air coitheanal Bhaile Dhubhthaich airson ochd bliadhna. Bha leanabh eile aca nuair a bha iad ann am Baile Dhubhthaich.
Fhuair Mgr MacLeòid cuireadh tilleadh air ais a dh'Astràilia gu coitheanal Chlann MhicIlleathain ann an taobh an Ear Thuath na dùthcha far an robh e gus an d'fhuair e gairm bho choitheanal Bharabhais anns na naoidheadan. Thàinig Mgr MacLeòid agus a theaghlach air ais a dh'Alba airson ceithir bliadhna, anns an ùine sin bha e na mhodaràtor air àrd-sheanadh na h-Eaglaise Saoire.
Thill Mgr MacLeòid 's a bhean agus triùir dhen teaghlach air ais a dh' Astràilia far a bheil e nis stèidhichte ann an sgìre MacLean. Ged a tha e air a dhreuchd a leigeil dheth tha e fhathast a' searmonachadh agus a' cur seachad ùine ag iasgach, cluich goilf, trang sa ghàrradh agus tha e cuideachd an sàs anns a' chruinneachadh Ghàidhealach a th'aca gach bliadhna ann am MacLean. Na bu tràithe am bliadhna bha Mgr Macleòid agus a bhean Catrìona air chuairt air ais anns na h-Eileanan a' coinneachadh ri càirdean is luchd-eòlais.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Coinneach MacLeòid, Eaglais Shaor Bharabhais 1998 - 1/2

Genres

Brand

BBC Radio nan Gàidheal

About BBC Radio nan Gàidheal