Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Coinneach Fearghasdan a bha na mhinistear air Eaglais Shaor Chrois ann an Nis

03/06/2018

An t-Urr Coinneach Fearghasdan a bha na mhinistear air Eaglais Shaor Chrois ann an Nis

BBC Radio nan Gàidheal - Dèanamaid Adhradh, An t-Urr Coinneach Fearghasdan a bha na mhinistear air Eaglais Shaor Chrois ann an Nis

Còmhla ris an Urr Coinneach Fearghasdan a bha na mhinistear air Eaglais Shaor Chrois.

Seirbheis còmhla ris an Urr Coinneach Fearghasdan a bha na mhinistear air Eaglais Shaor Chrois. Gaelic service with Rev Kenneth Ferguson former minister of Cross Free Church.

Anns an t-seirbheis cluinnidh sibh na sailm agus an leughadh a leanas:
Salm 25: 4-5 air fonn Evan agus 's e Iain Eachann MacLeòid a tha os cionn na seinn le taic bho choitheanal Eaglais na h-Alba ann am Barabhas.

Salm 17: 5-7 air fonn Martyrdom agus 's e Iain Moireach a tha os cionn na seinn le taic bho choitheanal Eaglais Shaor Crow Road 

Salm 43: 3-4 air fonn Kilmarnock agus 's e Iain MacLeòid a tha os cionn na seinn le taic bho choitheanal Eaglais Shaor Cille Bhrìghde an Ear .

Leughadh : 2 Timòteus 3: 1-17
Ceann-teagasg 2 Timòteus 3: 16 & 17

Rugadh an t-Urr Coinneach Fearghasdan air a' Bhac ann an Leòdhas ann an 1946. Chaidh e a Sgoil a' Bhac agus gu Colaiste a' Chaisteil ann an Leòdhas far an robh ùidh mhòr aige ann a bhith ag obair le aodach. Lean e air adhart le obair-rannsachaidh air a' chuspair ann an Colaiste Theicnigeach ann an Dewsbury. Thill e air ais a Leòdhas ann an 1965 far an do chuir e seachad sia bliadhna deug ag obair ann an gnìomhachas a ' chlò mhòir. 
Thàinig atharrachadh ann am beatha Mhgr Fhearghasdan ann an 1970. Bha ùidh mhòr aige anns na searmoin aig an Urr Murchadh MacAmhlaigh a bha na mhinistear aig an àm sin air a' Bhac. Chaidh Mgr Fearghasdan air ais dhan oilthigh grunn bhliadhnaichean an dèidh sin agus fhuair e teisteanas BA ann am Beurla agus Eachdraidh. An dèidh sin, chaidh e gu Colaiste na h-Eaglaise Saoire ann an Dùn Èideann. 
Chaidh a phòsadh ri coitheanal Eaglais Shaor Chrosboist ann an 1984. Tha Mgr Fearghasdan air a mhinistrealachd air fad a chur seachad ann an Leòdhas - an dèidh sia bliadhna deug air na Lochan ghluais e an uair sin gu Nis far an robh e na mhinistear air coitheanal Eaglais Shaor Chrois bho 2000 gu 2012. 
Tha Mgr Fearghasdan air a bhith air iomadach comataidh thar nam bliadhnaichean, agus am measg sin na chathraiche air a' Chomataidh Stiùiridh aig Ionad Cùraim Bhethesda ann an Steòrnabhagh. 
Leig Mgr Fearghasdan dheth a dhreuchd bho chionn bhliadhnaichean agus tha e air tilleadh a dh'fhuireach air a' Bhac far am bi e a' cur seachad ùine anns a' ghàrradh agus a-muigh air an eathar aige ag iasgach. Tha e cuideachd air a chumail trang a' searmonachadh ann an coitheanalan thall 's a bhos.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Coinneach Fearghasdan a bha na mhinistear air Eaglais Shaor Chrois ann an Nis

Genres

Brand

BBC Radio nan Gàidheal

About BBC Radio nan Gàidheal