BBC Radio Cymru

Dwyn i Gof

Cyfle i ddod i adnabod rhai o gymeriadau dylanwadol Cymru, sydd bellach wedi ein gadael.

Cyfle i ddod i adnabod rhai o gymeriadau dylanwadol Cymru, sydd bellach wedi ein gadael. An opportunity to learn more about influential Welsh people, no longer with us.

Dwyn i Gof: Bedwyr Lewis Jones

Factual: Arts, Culture & the Media

Bedwyr Lewis Jones

02/12/2016

BBC Radio Cymru - Dwyn i Gof, Bedwyr Lewis Jones

Llŷr Gwyn Lewis yn sgwrsio â phobl am yr ysgolhaig tra hoff, Bedwyr Lewis Jones.

Llŷr Gwyn Lewis yn sgwrsio â phobl am yr ysgolhaig tra hoff, Bedwyr Lewis Jones. Llŷr Gwyn Lewis learns about much-loved scholar Bedwyr Lewis Jones.

Fel nifer o bobl sydd wedi astudio'r Gymraeg fel pwnc academaidd, mae Llŷr Gwyn Lewis yn gyfarwydd â gwaith yr Athro Bedwyr Lewis Jones. Ond beth am y person? Yn y rhaglen hon, mae'n neidio at y cyfle i sgwrsio â rhai a oedd yn nabod yr ysgolhaig tra hoff hwn.

Mae ei frawd, Geraint Percy Jones, yn hel atgofion am blentyndod bendigedig yng nghmwni creadur caredig iawn. Er ei fod yn medru gwylltio'n sydyn am bethau hollol ddibwys, doedd Bed fel mae'n ei alw ddim yn un i ddal dig. Ac er ei fod yn dynnwr coes, doedd o ddim yn bychanu pobl.

Mae ei blentyn hynaf, Nia, yn sôn am dŷ prysur yn llawn ymwelwyr. Mae'n pwysleisio, serch hynny, ei fod wrth ei fodd yng nghwmni ei deulu hefyd, ac yn neilltuo peth o'i amser i fwynhau gwylio chwaraeon. Yn wir, mae hi'n amau mai cefnogi Lerpwl a Chymru oedd yn gyfrifol am hoffter ei thad o wisgo siwmperi a chrysau coch.

Trwy gyfrwng pêl-droed y daeth y Parchedig R Alun Evans i gysylltiad ag o am y tro cyntaf, a datblygodd eu cyfeillgarwch i fod yn bartneriaeth waith. Mae'n cofio blynyddoedd hapus iawn o gydweithio ar y rhaglen radio Yn Ei Elfen, a hynny gyda chyfathrebwr di-ail.

Cyfaill agos a chyd-ddarlithydd iddo ym Mangor oedd Dr Alwyn Roberts, ac mae yntau'n sôn am yr holl waith paratoi hynod ofalus gan Bedwyr Lewis Jones. Mae hefyd yn cofio cyfnod tywyll ac anodd ym mywyd ei ffrind, sef cyfnod o wrthdaro ynglŷn â'r iaith. Fe deimlodd bryd hynny iddo gael ei ddal yn y canol, ac iddo gael ei frifo gan rai myfyrwyr.

Rhwng popeth, cawn ddarlun o ysgolhaig a oedd hefyd yn ddyn addfwyn a ffyddlon, a'i deulu yr un mor bwysig iddo â'i waith.

Mae Radio Cymru wedi bod yn darlledu rhaglenni ers 1977. Radio Cymru has been broadcasting to the nation since 1977.

BBC Radio Cymru 2

Ail wasanaeth BBC Radio Cymru sy'n cynnig sioe frecwast bob bore'r wythnos.

Accessibility links

Programme Index

Dwyn i Gof

Bedwyr Lewis Jones

Genres

Brand

BBC Radio Cymru

About BBC Radio Cymru