BBC Radio nan Gàidheal

Coinneach MacÌomhair

Factual

Còmhradh, conaltradh agus cnuasachadh gach là. Debate, discussion and deliberation.

Coinneach MacÌomhair: Coinneach Dimàirt

02/01/2018

Coinneach Dimàirt

BBC Radio nan Gàidheal - Coinneach MacÌomhair, Coinneach Dimàirt

Cothrom eile èisteachd ri cuairtean samhraidh Choinnich an uiridh. bbc.co.uk/coinneach.

Cothrom eile èisteachd ri cuairtean samhraidh Choinnich an uiridh. bbc.co.uk/coinneach. Another chance to listen back to some of Coinneach's summer trips of 2017.

An-diugh cothrom eile èisteachd ri cuairtean samhraidh Choinnich,eadar baile Dhùn Dè agus Earra-Ghàidheil.

As t-samhradh chaidh e air chuairt timcheall bhaile Dhùn Dè còmhla ri Iain Moireasdan. Tha Iain air a bhith a' fuireach ann fad bhliadhnaichean agus tha e ag innse dha Coinneach mu sgìrean eadar-dhealaichte a' bhaile a chithear bho mhullach Chnoc Dhùn Dè. Thadhail iad cuideachd air na Verdant Works, seann mhuileann jute a tha a-nise na thaigh-tasgaidh.

Ann am Baile Fharfair a tha ainmeil airson na bridies aca, shuidh Coinneach sìos còmhla ri dithis Leòdhasaich a tha a' fuireach ann an Sgìre Aonghais airson balgam teatha bridie à Baile Fharfair agus còmhradh mun bhaile is mun sgìre.

Air turas eile chur Coinneach latha seachad ann am Meadhan Earra-Ghàidheil còmhla ri Cairistiona Nic an t-Saoir. Sheall ise iomadach làrach sònraichte dha is cluinnidh sibh mu aonan dhiubh: Uamh Chaluim Chille. Tha Coinneach cuideachd a' còmhradh ri Raibeart Mac a' Phiocair, an duine mu dheireadh a tha le Gàidhlig an àite ann an Ceann Loch Gilb.

Agus bidh beagan ceòl sa phrògram bho nuair a chaidh Coinneach a chèilidh air an seinneadair Griogair Labhraidh. Ged a tha Griogair gu math trang air feadh an t-saoghail is e a' seinn is a' cluich, tha pròiseact sònraichte aige air Taobh Tuath Bhaile a' Chaolais, far a bheil e a' dèanamh ath-sgeadachadh air seann taigh agus e an dòchas ionad cultarail a dhèanamh dheth. bbc.co.uk/coinneach.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Coinneach MacÌomhair

Coinneach Dimàirt

Genres

Brand

BBC Radio nan Gàidheal

About BBC Radio nan Gàidheal