Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Seirbheis Didòmhnaich Cuimhneachaidh còmhla ris an Urr Donnchadh MacLeòid

12/11/2017

Seirbheis Didòmhnaich Cuimhneachaidh còmhla ris an Urr Donnchadh MacLeòid

BBC Radio nan Gàidheal - Dèanamaid Adhradh, Seirbheis Didòmhnaich Cuimhneachaidh còmhla ris an Urr Donnchadh MacLeòid

Seirbheis Didòmhnaich Cuimhneachaidh leis an Urr Donnchadh MacLeòid.

Seirbheis Didòmhnaich Cuimhneachaidh leis an Urr Donnchadh MacLeòid, Eaglais Shaor Dhòrnaich. Remembrance Sunday service with Rev Duncan MacLeod, Dornoch Free Church.

Anns an t-seirbheis cluinnidh sibh na sailm agus an leughadh a leanas:
Salm 46: 1-2 air fonn Stroudwater agus 's e Dòmhnall Macleòid a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Salm 16: 8-9 air fonn Kilmarnock agus 's e Aonghas MacAoidh a tha os cionn na seinn le taic bho choitheanal Eaglais Shaor Chàrlabhaigh.
Salm 46: 10-11 air fonn Stornoway agus 's e an t-Urr Seumas MacÌomhair a tha os cionn na seinn le taic bho choitheanal Eaglais Naomh Chaluim Chille ann an Dùn Èideann.
Leughadh: Salm 18: 1-6
Ceann-teagaisg Salm 18: 1-3 

Rugadh an t-Urr Donnchadh MacLeòid ann an Càrlabhagh ann an 1954. Chaidh oideachadh ann am Bun-sgoil Chàrlabhaigh, an Sgoil MhicNeacail agus an Oilthigh Obar Dheathain mus deach e a-steach airson na ministrealachd. 
Na òige ann an Càrlabhagh, 's e glè bheag de Bheurla a bh' aige. Ri chuimhne fhèin, 's e na ciad fhacail Bheurla a thuirt e nuair a bha e anns an sgoil, "Please Miss, may I leave the room?" 
Bha, agus tha, ùidh mhòr aig Donnchadh anns a' chànan agus anns a' chultar agus 's e obair neach-teagaisg Gàidhlig a' chiad obair a bh' aige às dèidh ceumnachadh à Oilthigh Obar Dheathain. Bha e a' teagasg airson ùine an Uibhist ann an sgoiltean Dhalabroig agus Phaibeil. Chaidh Donnchadh air ais dhan cholaiste ann an 1980 - an turas seo gu Colaiste na h-Eaglaise Saoire airson dreuchd ministeir a thoirt a-mach. 
Chaidh a phòsadh ris a' chiad choitheanal aige ann an 1983 ann am Bun Ilidh agus bha e an sin gu 1996 nuair a chaidh a phòsadh ri coitheanal Eaglais Shaor Pheairt, far an robh e airson mu chòig bliadhna deug. Ann an 2011 chaidh Mgr MacLeòid a phòsadh ri coitheanal Eaglais Shaor Dhòrnaich. Bha Mgr MacLeoid cuideachd airson deich bliadhna na fhear-deasachaidh air Colbh Ghàidhlig iris mhìosail na h-eaglaise, The Monthly Record. 
Tha ùidh mhòr mhòr aig Mgr MacLeòid ann am ball-coise agus gu sònraichte ann an sgioba ball-coise Partick Thistle. Tha e pòsta aig Mòrag à Sgalpaigh agus tha triùir a theaghlach aca.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Seirbheis Didòmhnaich Cuimhneachaidh còmhla ris an Urr Donnchadh MacLeòid

Genres

Brand

BBC Radio nan Gàidheal

About BBC Radio nan Gàidheal