Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh Tasglann

Dèanamaid Adhradh: An t-Urr Calum MacMhathain nach maireann 1991

22/10/2017

An t-Urr Calum MacMhathain nach maireann 1991

BBC Radio nan Gàidheal - Dèanamaid Adhradh, An t-Urr Calum MacMhathain nach maireann 1991

2/2 Seirbheis à tasglann a' BhBC bho 1991 còmhla ris an Urr Calum MacMhathain.

2/2. Seirbheis à tasglann a' BhBC bho 1991 còmhla ris an Urr Calum MacMhathain nach maireann. Gaelic archive service from 1991 conducted by the late Rev Calum Matheson.

Air an t-seachdain seo a-rithist cluinnidh sibh an t-Urramach Calum MacMhathain a' searmonachadh ann an Dèanamaid Adhradh à tasglann a' BhBC. Chaidh an t-seirbheis a chlàradh ann an Eaglais Shaor Greyfriars ann an Inbhir Nis ann an 1991 agus a chraoladh air 15 Dùbhlachd.

Anns an t-seirbheis cluinnidh sibh na sailm is na leughaidhean a leanas:

Salm 22: 22-23 air fonn Kilmarnock agus ' s e Coinneach Mac a' Ghobhiann a tha os cionn na seinn. 

Salm 119: 63-64 air fonn Torwood agus 's e Calum Moireasdana tha os cionn na seinn .

Leughadh: Malachi 3: 10-18

Ceann-teagaisg: Malachi 3: 16-17 


Rugadh Calum MacMhathain ann an 1948 agus cha robh anns an teaghlach ach e fhèin. Chaidh a thogail ann an Steòrnabhagh agus bha e am measg buidheann bhalach anns a' bhaile air an robh na Torquil Terrace Boys. 

Chaidh oideachadh ann am Bun-sgoil Steòrnabhaigh agus ann an Àrd-sgoil MhicNeacail agus dh'fhàg e an sgoil aig sia bliadhna deug a dh'aois. Chaidh e an uairsin a Lunnainn far an d' fhuair e obair san t-Seirbheis Chatharra. 

Bha guth sònraichte làidir aig Calum agus bha sin gu math follaiseach bho làithean òige. Nuair a bha e anns a' bhun-sgoil, bhuannaich e am bonn òr aig a' mhòd ionadail airson seinn. Bha ùidh mhòr aige anns a' Ghàidhlig agus ann a bhith ga dìon. 

Thòisich Calum air beatha Chrìosdail a leantainn nuair a bha e ann an Lunnainn agus, le càirdeas is coibhneas bho Ghàidheil Lunnainn, thàinig e gu bhith na bhall dhan choitheanal anns an Eaglais Shaor an sin. Bha ùidh mhòr aige anns na h-òraidean aig an Dr Màrtainn Lloyd Jones agus bha e na bhall dhan chòisir nuair a bha Billy Graham a' searmonachadh anns a' bhaile. Thoisich Calum a' searmonachadh an toiseach nuair a bha e ann an Lunnainn. 

Aig fìor dheireadh na trì ficheadan, ghluais e a Ghlaschu far an robh e na bhall de choitheanal Eaglais Shaor Bhaile Ghobhainn agus 's ann nuair a bha e an sin a fhuair e stiùireadh airson a dhol a-staigh airson na ministrealachd. Nuair a dh'fhàg Calum an sgoil cha robh e air deuchainnean a shuidhe aig àrd-ìre agus le sin b' fheudar dha a dhol gu clasaichean oidhche. Rinn e adhartas air leth le foghlam aig àrd-ìre agus fhuair e teisteanas san oilthigh ann an litreachas agus eachdraidh na h-Alba. A bharrachd air an sin bha e a' dol gu clasaichean prìobhaideach airson a Ghàidhlig a leasachadh. 

Chaidh Calum gu Colaiste na h-Eaglaise Saoire ann an Dùn Èideann bho 1977 gu 1980 agus chaidh a phòsadh ri coitheanal Shiaboist far an robh e na mhinistear airson aon bliadhna deug. Chaidh a ghairm gu Eaglais Shaor nam Manach Liath ann an Inbhir Nis ann an 1991 far an do bhrosnaich e an coitheanal ann an iomadach dòigh. 

Bhàsaich e ann an 1992 às dèidh trioblaidean lannsa.

Bidh cuimhne aig mòran air an t-Urramach MacMhathain mar shearmonaiche air leth: duine mòr agus bha meas mòr aig gu leòr air. Bhiodh e tric ri chluinntinn ag ràdh "Tha an Tighearna math, Oh tha an Tighearna math" .

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Calum MacMhathain nach maireann 1991

Genres

Brand

BBC Radio nan Gàidheal

About BBC Radio nan Gàidheal