BBC Radio nan Gàidheal

Coinneach MacÌomhair

Factual

Còmhradh, conaltradh agus cnuasachadh gach là. Debate, discussion and deliberation.

Coinneach MacÌomhair: Prògram Choinnich Diardaoin

21/09/2017

Prògram Choinnich Diardaoin

BBC Radio nan Gàidheal - Coinneach MacÌomhair, Prògram Choinnich Diardaoin

Taghadh na Gearmailt. Cuimhneachain air a QhE2!

Dè a tha ag adhbharachadh stoirmean a' Charibbean? Cuimhneachain pearsanta air a' QhE2. Are the Caribbean hurricanes connected to the Mexican earthquakes? Memories of the QE2.

Tha taghadh nàiseanta na Gearmailt a' teannadh dlùth (Didomhnaich sa tighinn.) An-diugh, gheibh sinn beachd air dè mar a tha daoine a' faireachdainn anns a' Ghearmailt fhèin. Agus gheibh sinn beachd cuideachd air prògram telebhisean a chaidh a chraoladh an t-seachdain seo. Bha Panorama: Germany's New Nazis, a' cumail a mach gu bheil gràin-cinnidh a-nise aig àrd-ìre san dùthaich, 's nach fhacar an leithid bhon a thuit a' Third Reich.

Dè as coireach gu bheil stoirmean cho buileach garbh a' bualadh air a' Charribean an-dràsta 's iad a' tighinn dlùth ga chèile? A bheil gnothaich aig blàthachadh na cruinne ris? Agus a bheil ceangal aig na stoirmean ris an dà chrith-thalmhainn a th' air a bhith ann a Mexico? Bidh Iain MacFhionghuin, eòlaiche cruinn-eòlais, ann an còmhradh ri Coinneach mun a sin.

Tha seusan turasachd na h-Alba an ìre-mhath a' tighinn gu ceann. Tha na h-Eileanan an Iar air an cuid fhèin de luchd-turais a tharraing a-steach a-rithist am bliadhna. 'S gann gu robh àite ri fhaighinn air na h-aiseagean fad an t-samhraidh. Bidh Coinneach a' bruidhinn ri Ailean MacCoinnich, Manaidsear Visit Scotland san sgìre, mu sheusan 2017.

Agus tha 50 bliadhna ga chomharrachadh air an t-seachdain seo bhon a chaidh an QE2 a chuir air bhog. Cluinnidh sinn pìos bho thasglann Choinnich anns an robh sianar aig an robh ceangal pearsanta ris a' QhE2 a' bruidhinn.

www.bbc.co.uk/coinneach.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Coinneach MacÌomhair

Prògram Choinnich Diardaoin

Genres

Brand

BBC Radio nan Gàidheal

About BBC Radio nan Gàidheal