BBC Radio nan Gàidheal

Coinneach MacÌomhair

Factual

Còmhradh, conaltradh agus cnuasachadh gach là. Debate, discussion and deliberation.

Coinneach MacÌomhair: Coinneach Diardaoin

24/08/2017

Coinneach Diardaoin

BBC Radio nan Gàidheal - Coinneach MacÌomhair, Coinneach Diardaoin

An-diugh carson a tha daoine a' bàsachadh leis an acras agus le cholera anns an Yemen?

Tha Coinneach a' faighinn facal ri sianar oileanach bho dhùthchannan eile a tha ag ionnsachadh Gàidhlig. Kenny chats to six students from abroad who are learning Gàidhlig.

An-diugh dè as coireach gu bheil daoine a' bàsachadh leis an acras agus le cholera anns an Yemen, 's cuid de na rìoghachdan as beartaich san t-saoghal mun cuairt orra? Tha Iain Mac a 'Phearsain, eòlaiche an Ear-Mheadhanach, a' mìneachadh an t-suidheachadh a th'ann an-dràsta.

Bi 100 bliadhna air a Bhliadhn' Ùire sa tighinn bhon a chaidh an Iolaire air na creagan aig Bèistean Thuilm far costa Leòdhais. Cluinnidh sinn an-diugh mu theip a dh'fhàg fear den fheadhainn a thàinig beò aiste, 's nach deach a chluinntinn riamh roimhe gu seo. Bha athair Mabel Weir, Dòmhnall Moireach, am measg an 79 neach a fhuair às an Iolaire beò, nuair a chaidh 205 fear eile a chall. Air an teip tha e ag innse mar a thuig iad an toiseach gu robh rudeigin ceàrr, mar a chaidh e fhèin a thilgeil gu taobh thall an t-soithich agus an t-strì airson faighinn gu tìr. Cha do bhruidhinn e mòran tuilleadh mu dheidhinn airson a' chòrr dha bheatha ach gum biodh e dol sàmhach gach oidhche Bliadhn' Ùire. Chur Dòmhnall an uairsin a bheatha-obrach seachad air a' phoileas ann an Glaschu far an do thog e teaghlach. 'Si Mabel Weir an tè as òige dhiubh 's chaidh Coinneach a thadhal oirre bho chionn ghoirid, na dhachaigh anns a' bhaile.

Tha Sgoil Shamhraidh a' dol an dràsta ann an Leòdhas airson oileanaich a tha ag ionnsachadh na Gàidhlig. Tha iad a' cur trì seachdainean seachad air an eilean agus an-diugh tha Coinneach a faighinn facal air sianar dhiubh às an Nirribhidh, an Fhionnlainn, An Eilbheis, Ameireagaidh agus A' Phòlainn. 

Agus tha Dòmhnall Uilleam Stiùbhart air ais le eachdraidh-beatha Gaidheal eile air nach eil mòran aithne. An-diugh An Leadaidh Eliza Ros D'Oyly (1789-1875). bbc.co.uk/coinneach.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Coinneach MacÌomhair

Coinneach Diardaoin

Genres

Brand

BBC Radio nan Gàidheal

About BBC Radio nan Gàidheal