Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Deanamaid Adhradh

Dèanamaid Adhradh: An t-Urr Seumas Dòmhnallach, Eaglais na h-Alba 2003

01/11/2015

An t-Urr Seumas Dòmhnallach, Eaglais na h-Alba 2003

BBC Radio nan Gàidheal - Dèanamaid Adhradh, An t-Urr Seumas Dòmhnallach, Eaglais na h-Alba 2003

Seirbheis à tasglann a' BhBC còmhla ris an Urr Seumas Dòmhnallach, Eaglais na h-Alba 2003.

Seirbheis à tasglann a' BhBC bho 2003 comhla ris an Urr Seumas Dòmhnallach, Eaglais na h-Alba. Gaelic religious archive service with Rev James MacDonald, Church of Scotland 2003.

Anns an t-seirbheis cluinnidh sibh na sailm agus leughadh a leanas:
Salm 143: 6-7 air fonn Walsall agus 's e Coinneach MacLeòid a tha os cionn na seinn le taic bho choitheanal Seminaraidh na h-Eaglaise Saoire ann an Steòrnabhagh.

Salm 04: 7-8 air fonn Moravia agus 's e Iain Dòmhnallach a tha os cionn na seinn le taic bho choitheanal Eaglais na h-Alba ann am Barabhas.

Leughadh: Salm 102
Ceann-teagaisg: Salm 102: 2 & 13 

Rugadh Seumas Dòmhnallach ann an sgìre Mhealaboist ann am Borgh air taobh Siar Eilean Leòdhais air an 9mh den Chèitean 1943. Bha triùir anns an teaghlach aige: e fhèin, a bhràthair a bhàsaich na leanabh agus a phiuthar Seonag. Bha athair Sheumais, Murchadh neo Murchadh Sheumais, ainmeil airson a bhith sgrìobhadh òrain: òrain cianalais, òrain cogaidh agus òrain èibhinn. Chaidh Seumas gu Bun-Sgoil Ghabhsainn agus an uairsin gu Àrd-Sgoil Lionail gus an do dh'fhàg e an sgoil aig aois còig bliadhna deug nuair a chaidh e dhan a' Chabhlaich Mharsanta. Mar iomadach Leòdhasach eile chur e seachad bliadhnaichean aig muir a' siubhail an t-saoghail gus nas thill e air ais dhachaigh anns na tri ficheadan. Bha ceathrar chloinne aige fhèin agus a bhean Màiri Ann. Bha Seumas ag obair air a' bheairt airson iomadh bliadhna gus an deach a ghairm chun na ministrealachd. Chaidh e air ais dhan sgoil airson deuchainnean aig àrd-ìre a dhèanamh agus cothrom a thoirt dha a dhol dhan oilthigh mar oileanach Diadhachd fad ceithir bliadhna. Thill e air ais dhan eilein ann an 1983 agus chur e seachad bliadhna aig Àrd-Eaglais Steòrnabhaigh a' toirt taic dha dheagh charaid, an t-Urramach Ruairidh Moireasdan. Chaidh a phòsadh ri coitheanal Eaglais na h-Alba ann an Garrabost san Rubha san Ògmhios 1984 far an robh e airson seachd bliadhna deug gus an do leig e dheth a dhreuchd air sgàth a shlàinte ann an 2001. Bidh e fhathast a' searmonachadh bho àm gu àm ann an coitheanalan air feadh nan eilean. Bhàsaich a bhean Màiri Ann ann an 2011. Tha ùidh mhòr aige ann a bhith a' càradh agus ag ùrachadh àirneis agus thairis air na bliadhnaichean tha e air seann tractar 1955 Ferguson TEF20 ùrachadh. Nas tràithe am bliadhna phòs Mgr Dòmhnallach Morag NicRisnidh agus tha iad air an dachaigh a dhèanamh anns an sgìre far an do rugadh 's na thogadh e.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Seumas Dòmhnallach, Eaglais na h-Alba 2003

Genres

Brand

BBC Radio nan Gàidheal

About BBC Radio nan Gàidheal