Original version

BBC Radio Cymru

Tra Bo Dau

Factual

Nia Roberts gyda dau westai sydd â rhywbeth yn gyffredin, mewn man perthnasol i'r ddau.

Nia Roberts gyda dau westai sydd â rhywbeth yn gyffredin, mewn man perthnasol i'r ddau. Nia Roberts with guests who have something in common, at a mutually meaningful location.

BBC Radio Cymru 2

Ail wasanaeth BBC Radio Cymru sy'n cynnig sioe frecwast bob bore'r wythnos.

Tra Bo Dau: Aled Samuel a Rhian Morgan

Entertainment

Aled Samuel a Rhian Morgan

BBC Radio Cymru - Tra Bo Dau, Aled Samuel a Rhian Morgan

Nia Roberts yng nghwmni gŵr a gwraig, Aled Samuel a Rhian Morgan.

Nia Roberts yng nghwmni gŵr a gwraig, Aled Samuel a Rhian Morgan, yng Nghlwb y Cameo ym Mhontcanna yng Nghaerdydd. Nia Roberts chats to Aled Samuel and Rhian Morgan.

Mae'n debyg mai Clwb y Cameo ym Mhontcanna, Caerdydd, oedd man cychwyn carwriaeth y ddau sy'n gwmni i Nia Roberts yn y rhaglen hon. Yno y digwyddodd snog nwydus a gwallgof mewn parti wedi rhaglen fyw ar S4C un nos Galan, ond roedden nhw'n nabod ei gilydd ymhell cyn hynny. Yn wir, brawd ei ffrind gorau oedd Aled Samuel i Rhian Morgan am flynyddoedd.

Wrth sgwrsio â Nia, mae'r ddau yn trafod eu cefndiroedd a'u dylanwadau tebyg. Mae 'na sôn yn arbennig am bwysigrwydd mam-gu ym magwraeth y ddau, gan gynnwys Aled yn manteisio ar raglenni radio byw o Abertawe i roi gwybod i'w fam-gu y byddai'n galw i'w gweld ymhen rhyw ugain munud. Ac mae Rhian yn dweud mai bod yng nghwmni mam-gu, o bosib, oedd man cychwyn ei diddordeb hi mewn actio.

Tu hwnt i Gymru, mae Aled yn sôn am fynd â'r Tebot Piws i America. Mae'n credu iddo gael mwy o brofiadau cofiadwy ac adeiladol yno nac yn ystod unrhyw gyfnod arall yn ei fywyd. Trwy wneud cyfweliadau byw o America gydag Eurof Williams ar gyfer rhaglenni Sosban y dechreuodd feddwl am ddilyn gyrfa mewn sgwennu a darlledu.

Dyma ddau sydd yn cymryd eu gwaith o ddifrif. Yn ôl Rhian, mae 'na lonyddwch yn perthyn i Aled wrth iddo baratoi i gyflwyno rhaglen neu sgwennu colofn, ac mae'n cydnabod ei bod yn nerfus yn darllen colofnau ei gŵr yng nghylchgrawn Golwg. Mae Aled, ar y llaw arall, yn medru ymlacio wrth wylio ei wraig yn actio. Mae'n gwybod am yr holl ymchwil a gwaith meddwl ganddi cyn y ffilmio neu'r perfformiad byw, ac mae Rhian yn sôn am yr holl bleser mae'n ei gael o ddysgu am agweddau o fywyd wrth ymgymryd â gwahanol rannau.

Mae'n amlwg wrth wrando ar y sgwrs eu bod yn deall ei gilydd i'r dim. A newyddion da i unrhyw un sy'n cofio Pelydr X ydi fod cymeriad Glan o'r gyfres ddychan yn gwneud ailymddangosiad!

Mae Radio Cymru wedi bod yn darlledu rhaglenni ers 1977. Radio Cymru has been broadcasting to the nation since 1977.

Accessibility links

Programme Index

Tra Bo Dau

Aled Samuel a Rhian Morgan

Genres

Brand

BBC Radio Cymru

About BBC Radio Cymru