Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Didòmhnaich Slat Phailm

Didòmhnaich Slat Phailm

BBC Radio nan Gàidheal - Dèanamaid Adhradh, Didòmhnaich Slat Phailm

Seirbheis Didòmhnaich Slat Phailm bho 2005 còmhla ris a' Chanan I A Mac a' Bhreatannaich.

Seirbheis Didòmhnaich Slat Phailm à tasglann a' BhBC bho 2005 còmhla ris a' Chanan I A Mac a' Bhreatannaich. A Gaelic service for Palm Sunday from 2005 with Canon JA Galbraith.

Anns an t-seirbheis cluinnidh sibh na laoidhean agus na leughaidhean a leanas:

Cia Domhain Gràdh an Athar Dhomh le Donaidh M MacLeòid
Molamaid Iosa le buill cho choitheanal Eaglais Reul na Mara ann am Bagh a' Chaisteil
Crann Ceusaidh na Nàire le Criosaidh NicDhòmhnaill 
Tog an Làmh a Choisrig Dia le Còisir Eaglais Naomh Peadar.

Leughaidhean: Mata 21: 1-11 agus Mata 27: 45-54 

Rugadh Iain Aonghas Mac a' Bhreatannaich no 'an Canan' mar is fheàrr a dh'aithnichear e, ann am baile Bhrèibhig ann am Barraigh ann an 1945. Ghluais an teaghlach aige dhan Òban nuair a bha e gu math òg. B' ann às dèidh sin 's gun e ach dusan bliadhna a dh'aois a dh'fhairich e ann fhèin gun robh ceangal daingeann agus làidir aige ris an eaglais agus ri chreideamh agus cha robh fada gus an deach e a dh'ionnsaigh dreuchd na sagartachd. 

Às dèidh dreuchd sagart a thoirt a-mach anns a' Ghiblean 1971, chuireadh e gu paraiste Naomh Peadair ann an Dalabrog na shagart-cuideachaidh agus 's ann as an dearbh pharaiste a chrìochnaich e na làithean mu dheireadh dha bheatha. A bharrachd air paraiste Dhalabroig, bha e cuideachd na shagart ann an sgìrean eile leithid Ceann Loch Chille Chiarain agus an t-Òban. 

Bha an Canan Iain Aonghas daingeann na chreideamh, bha e airson daoine a thàladh air ais dha na h-eaglaisean agus rinn e obair mhòr ann a bhith a' dèanamh sin. Bha urram aig daoine dha, sean is òg, agus bha sin gu math follaiseach bhon àireamh dhaoine a thàinig chun na seirbheisean a chaidh a chumail ann an Glaschu, an t-Òban agus Uibhist nuair a bhàsaich e gu h-obann ann an 2006. 

Bha ùidh mhòr aig a' Chanan anns a' Ghàidhlig agus ann an cultar agus dualchas na sgìrean is e an còmhnaidh deònach pàirt a ghabhail agus taic a thoirt do phròiseactan, seirbheisean agus prògraman Gàidhlig. Bha ùidh aige as a' choimhearsnachd a bha e a' frithealadh, agus e an còmhnaidh a' toirt taic agus a' feuchainn ris a' chànan agus an cultar a ghleidheadh. Chruinnich e na h-ùrnaighean anns a' Ghàidhlig agus tha iad a-nis rim faighinn air làrach-lìn na sgìr-easbaig mar chuimhneachan air. Bidh cuimhne aig daoine air airson an strì agus an taic a thug e dhan choimhearsnachd aige fhèin nuair a bhathar a' feuchainn ri seirbheisean a ghleidheadh ann an Ospadal Dhalabroig agus foghlam aig àrd-ìre a ghleidheadh san àrdsgoil anns a' sgìre.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Didòmhnaich Slat Phailm

Genres

Brand

BBC Radio nan Gàidheal

About BBC Radio nan Gàidheal