BBC Radio nan Gàidheal

Sgrìobhaichean air Sgrìobhadh

Factual: Arts, Culture & the Media

Dòmhnall MacAmhlaigh

27/03/2017

BBC Radio nan Gàidheal - Sgrìobhaichean air Sgrìobhadh

Am bàrd agus an sgoilear Dòmhnall MacAmhlaigh ann an còmhradh ri Aonghas MacNeacail.

Am bàrd agus an sgoilear Dòmhnall MacAmhlaigh ann an còmhradh ri Aonghas MacNeacail. The late Donald Macaulay, bard and scholar, in conversation with Aonghas MacNeacail.

Rugadh Dòmhnall Macamhlaigh am Beàrnaraigh, Leodhais ann a 1903. Thòisich e ag obair ann an Oilthigh Dhùn Èideann ann an 1958, an toiseach ann an Roinn na Beurla agus Linguistics agus an dèidh sin anns an Roinn Cheiltis. Às an sin, ghluais e gu Colaiste na Trianaid ann am Baile Atha Cliath agus gu Oilthigh Obar Dheathain. Ghabh e dreuchd Àrd-ollamh Ceiltis aig Oilthigh Ghlaschu far an robh e gus an do leig e dheth a dhreuchd ann an 1996. Anns na bliadhnaichean sin rinn e obair sgoilearachd a thug cliù agus inbhe dha air feadh na dùthcha.

Chaidh Seòbhrach às a' Chloich, leabhar de na dàin aige, fhoillseachdh ann an 1967. Tha a bhàrdachd cuideachd air nochdadh ann an grunn irisean is leabhraichean, agus tha dùil ri leabhar ùr eile bho Acair a dh'aithghearr. Ann an 1976, dheasaich e Nua Bhàrdachd Ghàidhlig, leabhar cudromach ann an litreachas Gàidhlig a tharraing còmhla airson a' chiad uair obair còignear de na bàird as ainmeile a bhiodh a' sgrìobhadh san nòs ùr ann an Gàidhlig, e fhèin nam measg. Chaidh cruinneachadh eile den bhàrdachd aig, Deilbh is Faileasan, fhoillseachadh ann an 2008. 

Anns a' phrògram seo, a chaidh a chraoladh an toiseach ann an 2001, tha Aonghas MacNeacail a' bruidhinn ri Dòmhnall mu bhàrdachd agus na tha a' toirt buaidh air.

Chaochail Dòmhnall air an 28mh den Ghearran 2017.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sgrìobhaichean air Sgrìobhadh

Genres

BBC Radio nan Gàidheal

About BBC Radio nan Gàidheal