Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Coinneach Dòmhnallach, an Eaglais Shaor Leantainneach

22/01/2017

An t-Urr Coinneach Dòmhnallach, an Eaglais Shaor Leantainneach

BBC Radio nan Gàidheal - Dèanamaid Adhradh, An t-Urr Coinneach Dòmhnallach, an Eaglais Shaor Leantainneach

Seirbheis còmhla ris an Urr Coinneach Dòmhnallach, an Eaglais Shaor Leantainneach.

Seirbheis còmhla ris an Urr Coinneach Dòmhnallach, an Eaglais Shaor Leantainneach. Gaelic religious service conducted by Rev Kenneth MacDonald from the Free Church Continuing.

Anns an t-seirbheis cluinnidh sibh na sailm is an leughadh a leanas:
Salm 23: 5-6 air fonn St David agus 's e Dòmhnall Màrtainn a tha os cionn na seinn le taic bho choitheanal Eaglais Shaor Steòrnabhaigh.
Salm 143: 6-7 air fonn Martyrdom agus 's e an t-Urr Niall Seathach a tha os cionn na seinn le taic bho choitheanal Eaglais Shaor nam Manach Liath ann an Inbhir Nis.
Salm 130: 7-8 air fonn Kilmarnock agus 's e Alasdair MacLeòid a tha os cionn na seinn le taic bho choitheanal Eaglais Shaor Shnìosoirt. 

Leughadh: Lùcas 22: 39-67
Ceann-teagaisg: Lùcas 22: 60 

Rugadh agus thogadh Mgr Dòmhnallach ann an sgìre Phabail Uarach anns an Rubha ann an Leòdhas. Às dèidh an sgoil fhàgail anns an Rubha agus Sgoil Mhicneacail a fhrithealadh chaidh e a dh'ionnsachadh obair saorsainneachd airson ceithir bliadhna ann an Steòrnabhagh. 
Às dèidh pòsadh, chaidh iad a dh'fhuireach a dh'Inbhir Nis airson greiseag agus an uair sin thill iad air ais a Steòrnabhagh far an robh iad a' ruith bùth ùine ghoirid. Tha dithis bhalach aca agus dusan ogha, agus tha fear de na balaich na mhinistear ann an sgìre Nis ann an Leòdhas. 
Thàinig atharrachadh ann am beatha Mhaighstir Dhòmhnallaich ann an 1987 agus chaidh e a dh'obair chun na buidhne Tear Fund ann am Bangladesh airson dà bhliadhna. Às a sin ghluais e gu miseanaraidh ann an Afraga a Deas far an robh e cuideachadh le bhith a' leasachadh 's a' càradh eaglaisean, a' togail eaglaisean ùra agus a' searmonachadh bho àm gu àm cuideachd. 
Ann an 1993, thill Maighstir Dòmhnallach air ais dhan dùthaich agus chaidh e gu Colaiste na Diadhachd ann an Dùn Èideann. Fhuair e fios bho choitheanal na h-Eaglaise Saoire ann an Snìosoirt san Eilean Sgitheanach ann an 1997 agus bha e a' frithealadh a' choitheanail sin gu 2008. Anns an Dùbhlachd 2008 chaidh a phòsadh ri coitheanal Eaglais Shaor Leantainneach Sgalpaigh agus bha e an sin gu bho chionn ghoirid nuair a leig e dheth a dhreuchd. 
Nuair a gheibh e beagan ùine dha fhèin is caomh leis a bhith ag iasgach, a' leughadh, a' dèanamh beagan DIY agus a' cur seachad ùine còmhla ri theaghlach.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Coinneach Dòmhnallach, an Eaglais Shaor Leantainneach

Genres

Brand

BBC Radio nan Gàidheal

About BBC Radio nan Gàidheal