Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Seirbheis toiseach bliadhna ùr còmhla ris an Urr Jack MacArtair

01/01/2017

Seirbheis toiseach bliadhna ùr còmhla ris an Urr Jack MacArtair

BBC Radio nan Gàidheal - Dèanamaid Adhradh, Seirbheis toiseach bliadhna ùr còmhla ris an Urr Jack MacArtair

Seirbheis toiseach bliadhna ùr còmhla ris an Urr Jack MacArtair, nach maireann, bho 2002.

Seirbheis toiseach bliadhna ùr còmhla ris an Urr Jack MacArtair, nach maireann, bho 2002. A New Year service from 2002 conducted by the late Rev Jack MacArthur, Church of Scotland.

Anns an t-seirbheis à tasglann a' BhBC air an t-seachdain seo cluinnidh sibh na sailm agus an leughadh a leanas: 
Salm 67: 1-2 air fonn Kilmarnock agus 's e Iain MacFhionghain a tha os cionn na seinn le taic bho choitheanal Eaglais na h-Alba ann am Port Rìgh. 
Salm 106: 4-5 air fonn Evan agus 's e Dòmhnall Iain MacFhillinnein a tha os cionn na seinn le taic bho choitheanal Eaglais na h-Alba ann an Loch nam Madadh. 
Salm 51: 10-11air fonn St David agus 's e Seumas Shiram a tha os cionn na seinn le taic bho choitheanal Eaglais nam Manach Liath ann an Dὺn Èideann . 

Leughaidhean: Ieremiah 31: 3-14 agus Ephèsianaich 1: 1-14 
Ceann-teagaisg: Ieremiah 31: 10-12

Rugadh Iain Murchadh MacArtair, no Jack mar a b' fheàrr a dh' aithnicheadh daoine e, air an naoidheamh là fichead den Iuchar 1938 ann am baile Mharabhaig an ceann a deas nan Loch ann an Leòdhas. Bha ochdnar anns an teaghlach aca, còignear bhalach agus triùir nighean. Chaidh Mgr MacArtair iompachadh còmhla ri mòran eile ri linn an t-searmonaiche ainmeil, an t-Urr Donnchadh Caimbeul ann an Leòdhas anns na leth-cheudan. Fhuair Mgr MacArtair foghlam ann an Oilthigh Ghlaschu eadar 1957 agus 1959 agus thug e mach dreuchd neach-teagaisg. Chaidh e air ais dhan oilthigh ann an 1963, an turas seo air an t-slighe chun na ministrealachd. Chaidh a phòsadh ris a' chiad choitheanal aige ann an 1966, coitheanal Cheann Loch Biorbhaidh agus Dhiùranais ann an Cataibh far an robh e a' cumail sheirbheisean Gàidhlig. Ann an 1971 ghluais e a Chàrlabhagh agus fhads a bha e ann an Leòdhas thòisich Comhairle nan Eilean ann an 1974. Bha Mgr MacArtair na chathraiche air Comataidh an Fhoghlaim aig a' chomhairle. Dh'fhàg e Leòdhas ann an 1979 agus chaidh e dhan Ath Leathann san Eilean Sgiathanach. Cha robh e fada an sin nuair a chaidh a thaghadh mar chomhairliche air Comhairle Roinn na Gàidhealtachd agus na chathraiche air Roinn an Fhoghlaim ann a sin cuideachd. Bha Mgr MacArtair aithnichte airson an obair mhòr a rinn e anns na h-Eileanan agus air Ghàidhealtachd airson foghlam agus Gàidhlig.

Chaidh a phòsadh ri coitheanal Eaglais Naomh Chaluim Chille ann an Glaschu ann an 1989 far an robh e na mhinistear gus an do leig e dheth a dhreuchd air sgàth a shlàinte ann an 1996. Bha Mgr MacArtair ainmeil mar shearmonaiche a' tàladh sean is òg chun na seirbheisean aige agus bha e cuideachd ainmeil mar neach-poilitigs. Bha e pòsta aig Cathie agus bha dithis nighean agus gille aca. Bhàsaich Mgr MacArtair aig aois tri fichead sa ceithir anns an Dùbhlachd 2002.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Seirbheis toiseach bliadhna ùr còmhla ris an Urr Jack MacArtair

Genres

Brand

BBC Radio nan Gàidheal

About BBC Radio nan Gàidheal