BBC Radio Cymru

Dwyn i Gof

Cyfle i ddod i adnabod rhai o gymeriadau dylanwadol Cymru, sydd bellach wedi ein gadael.

Cyfle i ddod i adnabod rhai o gymeriadau dylanwadol Cymru, sydd bellach wedi ein gadael. An opportunity to learn more about influential Welsh people, no longer with us.

Dwyn i Gof: Mattie Prichard

Factual: Arts, Culture & the Media

John Ogwen a Llŷr

18/11/2016

Mattie Prichard

BBC Radio Cymru - Dwyn i Gof, Mattie Prichard

Llyr Gwyn Lewis yn sgwrsio â phobl am Mattie Prichard, a wyddai sut i fwynhau bywyd.

Llŷr Gwyn Lewis yn sgwrsio â phobl am Mattie Prichard, a wyddai sut i fwynhau bywyd. Llyr Gwyn Lewis learns more about Mattie Prichard and her enjoyment of the good things in life.

Dyma raglen sy'n debygol o fod yn dipyn o agoriad llygad i unrhyw un sy'n meddwl am Mattie Prichard fel Mrs Caradog Prichard a dim arall. Oedd, roedd yn briod â llenor adnabyddus, ond fe dorrodd ei chwys ei hun a dod yn ffigwr amlwg ymysg Cymry Llundain.

Yn y rhaglen hon, mae Llŷr Gwyn Lewis yn sgwrsio â phobl a oedd yn nabod Mattie Prichard, gan gynnwys yr hanesydd J Elwyn Hughes. Mae'n sôn am gymeriad a hanner gyda phersonoliaeth gref.

Fel J Elwyn Hughes, mae'r actor John Ogwen hefyd yn hel atgofion am Mattie a Caradog Prichard yn yr Eisteddfod Genedlaethol, yn arbennig felly eu bod yn ymddwyn yn wahanol iawn i'w gilydd yno.

Daeth Sioned Webb i gysylltiad â hi fel myfyriwr yn Llundain. Roedd hi'n gwneud ymchwil ar y cerddor Meirion Williams ar y pryd, a chyda chymorth Mattie Prichard - fel un a oedd yn byw ac yn bod ym mwrlwm Cymry Llundain - llwyddodd i gyfarfod â phobl allweddol. Roedd hi hyd yn oed yn byw o dan yr un to am gyfnod, ac mae'n cofio bod yn ei hystafell wely'n gwrando ar bartïon gwyllt yn cael eu cynnal yno.

Mynd ar ôl yr hawliau i wneud ffilm o Un Nos Ola Leuad oedd rheswm y cynhyrchydd teledu Pauline Williams dros gwrdd â Mattie Prichard, ac mae'n dweud wrth Llŷr ei bod yn falch fod rhywun eisiau addasu nofel ei diweddar wr.

Er bod y darlun cyffredinol yn un o rywun a oedd yn gyfforddus iawn ei byd, mae J Elwyn Hughes yn pwysleisio fod y darlun hwnnw fymryn yn gamarweiniol. Ac er gwaetha'r straeon am y gwahaniaethau rhwng y pâr priod, mae John Ogwen yn amau a fyddai Caradog Prichard wedi byw cyhyd oni bai fod ei wraig yn gofalu amdano.

Caredig, annwyl, cyfeillgar, ac unigryw ar ryw ystyr - dim ond rhai o'r geiriau mae Llŷr yn eu clywed wrth sgwrsio am Mattie Prichard.

Mae Radio Cymru wedi bod yn darlledu rhaglenni ers 1977. Radio Cymru has been broadcasting to the nation since 1977.

Accessibility links

Programme Index

Dwyn i Gof

Mattie Prichard

Genres

Brand

BBC Radio Cymru

About BBC Radio Cymru