Original version

BBC Radio Cymru

Tra Bo Dau

Factual

Nia Roberts gyda dau westai sydd â rhywbeth yn gyffredin, mewn man perthnasol i'r ddau.

Nia Roberts gyda dau westai sydd â rhywbeth yn gyffredin, mewn man perthnasol i'r ddau. Nia Roberts with guests who have something in common, at a mutually meaningful location.

BBC Radio Cymru 2

Ail wasanaeth BBC Radio Cymru sy'n cynnig sioe frecwast bob bore'r wythnos.

Tra Bo Dau: Arwyn Davies a Margaret Williams

Nia Roberts, Arwyn Davies a Margaret Williams

Arwyn Davies a Margaret Williams

BBC Radio Cymru - Tra Bo Dau, Arwyn Davies a Margaret Williams

Nia Roberts yng nghwmni'r actor Arwyn Davies a'r gantores Margaret Williams.

Nia Roberts yng nghwmni Arwyn Davies a Margaret Williams. Perfformiodd Margaret droeon gyda thad Arwyn, y diweddar Ryan. Nia Roberts chats to Arwyn Davies and Margaret Williams.

Mae 'na gysylltiad amlwg rhwng y ddau sy'n gwmni i Nia Roberts yn y rhaglen hon. Fe gydberfformiodd y naill gyda Ryan Davies ar sawl achlysur, ac roedden nhw'n ffrindiau agos hefyd. Ei fab yw y llall, a oedd ond yn 9 oed pan gollodd ei dad ei fywyd yn greulon o ifanc. Ond rheswm arall dros ddod â Margaret Williams ac Arwyn Davies at ei gilydd mewn bwyty ger Croes Cwrlwys ydi'r ffaith eu bod yn byw ar yr un stad dai flynyddoedd lawer yn ôl.

Mae'r atgofion yn llifo, a hynny am gyfnod hapus iawn pan oedd y ddau deulu'n rhan o griw agos. Roedd Arwyn bob amser ar ei feic, yn ôl Margaret, ac yn mynd â chi Labrador y teulu gydag o i bobman.

Gyda'r sgwrs wedi'i recordio ychydig cyn y Nadolig, mae'n rhaid holi am gân enwog Ryan. Cafodd y sengl, Nadolig? Pwy a Ŵyr!, ei rhyddhau yn 1971. Mae'n dal yn cael ei chwarae'n gyson hyd heddiw, er nad oedd Margaret na sawl un arall yn disgwyl hynny ar y pryd. Roedd hi'n un o'r bobl gyntaf i glywed y gân, ac roedd ymhell o fod wedi gwirioni arni oherwydd ei bod mor wahanol i'r carolau traddodiadol. Erbyn hyn, fodd bynnag, mae'n credu mai dyna un rheswm pam ei bod hi mor boblogaidd.

Oherwydd talent aruthrol ei dad, roedd gwneud enw iddo'i hun yn dalcen caled i Arwyn. Roedd pobl yn cymharu byth a beunydd, ond mae yntau wedi llwyddo fel actor hefyd. Mae Mark Jones, ei gymeriad yn Pobol y Cwm, wedi bod yn rhan o'r gyfres ers dros 20 mlynedd. Mae'n cydnabod ei fod yn medru dyheu weithiau am wneud rhywbeth arall, ond mae cyfansoddi eisoes fel swydd arall iddo.

Yn sicr, mae cerddoriaeth yn rhan bwysig iawn o fywyd Margaret hefyd. Athrawes oedd hi, ond gadawodd fyd addysg a symud i dde Cymru er mwyn ymgymryd â gyrfa fel perfformwraig.

Dyma raglen yn llawn atgofion braf, gydag un o ganeuon mwyaf poblogaidd y Nadolig yn ei chloi.

Mae Radio Cymru wedi bod yn darlledu rhaglenni ers 1977. Radio Cymru has been broadcasting to the nation since 1977.

Accessibility links

Programme Index

Tra Bo Dau

Arwyn Davies a Margaret Williams

Genres

Brand

BBC Radio Cymru

About BBC Radio Cymru