Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Aifreann Sgoil Chiùil Shamhraidh aig Ceòlas 2015

An Canan Dòmhnall MacAoidh

Aifreann Sgoil Chiùil Shamhraidh aig Ceòlas 2015

BBC Radio nan Gàidheal - Dèanamaid Adhradh, Aifreann Sgoil Chiùil Shamhraidh aig Ceòlas 2015

Aifreann mar phàirt den Sgoil Chiùil Shamhraidh aig Ceòlas còmhla ris a' Chanan D MacAoidh

An Canan D MacAoidh le aifreann mar phàirt dhan Sgoil Chiùil Shamhraidh aig Ceòlas 2015.  Canon Donald MacKay with the 20th anniversary mass from Ceòlas Summer School.

Anns an t-seirbheis cluinnidh sibh na leanas:
 
'S e Còisir Naomh Peadar a tha os cionn na seinn ach an salm a-mhàin, a tha air a sheinn le Màiri NicAonghais.
 
Leughaidhean:
Leabhar Eseciel 2: 2-5
Corintianaich 12: 7-10
Marcus 6: 1-6
A' leughadh bha Seasaidh Steele agus Màiri NicAonghais. A' cluich nan innealan-ciùil bha Patsy Seddon, Howie Dòmhnallach agus Pauline NicDhòmhnaill.
 
Rugadh an Canan Dòmhnall MacAoidh ann an Uibhist a Deas. Chaidh a thogail ann an sgìre Ghearradh na Mònadh agus b' ann nuair a bha e na chlèireach air an altar ann an Eaglais Màthair na Dòrainne a rinn e suas inntinn gun robh e airson a bhith na shagart agus b' e sin an t-slighe a lean e. 
Chaidh Mgr Dòmhnall gu Sgoil Ghearradh na Mònadh gus an robh e dhà dheug agus chaidh e às an sin gu Sgoil Naomh Vincent air Bruach Chluaidh agus gu Colaiste Blairs. Ghluais e às an sin gu Colaiste na Sagartachd anns an Spàinn, a bha stèidhichte aig an àm sin ann an Valladolid. Ann an 1976 thill e dhachaigh agus ghabh e bòidean na sagartachd. 
Chaidh Mgr Dòmhnall air ais gu Sgoil Naomh Vincent airson bliadhna, an turas sa na neach-teagaisg. Ghluais e dhan Òban bliadhna às dèidh sin far an do chuir e seachad ùine ann an cuideachd an Easbaig Cailean Mac a' Phearsain agus an Àrd-shagart Thomas Whynn. Bha Mgr Dòmhnall a' frithealadh paraistean Dhalabroig còmhla ri Mgr Niall agus Mgr Iain MacIlleathain agus paraiste a' Ghearastain còmhla ri Mgr Iain MacNèill. Thill e air ais dhan Spàinn airson sia bliadhna agus b' ann aig an àm sin a ghluais Colaiste na Sagartachd bho Valladolid gu Salamanca. 
Ann an 1991 chaidh Mgr Dòmhnall a chuir a Bhàgh a' Chaisteil na shagart paraiste agus bha e a' frithealadh na sgìre sin gu 2001, a' bhliadhna a chomharraich e còig bliadhna fichead na shagart. Bhàsaich a mhàthair dìreach beagan làithean às dèidh dha an ceann-là sin a chomharrachadh agus i air an cothrom fhaighinn a bhith an làthair aig aifreann shònraichte a chaidh a chumail ann am Barraigh air a shon. Ghluais Mgr Dòmhnall dhan Òban ann an 2001 far an robh e stèidhichte aig Cathair Eaglais Naomh Chaluim Chille, chaidh a ghluasad an uairsin gu bhith os cionn paraiste Ceann a Deas Uibhist agus Èirisgeidh.
 
Bha ùidh mhòr aige ann a bhith a' leughadh agus a bhith a' leantainn cor na h-eaglaise air an eadar-lìon, agus bha ùidh mhòr aige ann an ceòl Gàidhealach. Cha robh e na iongnadh sam bith gun robh e gu mòr a' sàs ann a bhith a' toirt taic is brosnachadh don Sgoil Ciùil Shamhraidh aig Ceòlas gach bliadhna, sgoil chiùil a tha stèidhichte an teis-meadhan na coimhearsnachd a' brosnachadh nan ceanglaichean sònraichte eadar ceòl, dannsa agus seinn. Gach bliadhna bhiodh an sgoil chiùil a' tòiseachadh le aifreann Ghàidhlig ann an Eaglais Naomh Peadar ann an Dalabrog agus b' e Mgr Dòmhnall a bhiodh os cionn an aifreann. Chaidh aifreann Cheòlais a chluinneas sibh an seo a chlàradh ann an 2015 nuair a bha iad a' comharrachadh fichead bliadhna den sgoil chiùil. Goirid às dèidh sin fhuair Mgr Dòmhnall an naidheachd dhuilich gun ro e fulang le aillse. Thar nam mìosan chum e a' dol le inntinn làidir a' frithealadh na paraiste aig an aon àm 's a bha e a' frithealadh an ospadail. Bhàsaich Mgr Dòmhnall air an 13rmh den Lùnastal 2017.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Aifreann Sgoil Chiùil Shamhraidh aig Ceòlas 2015

Genres

Brand

BBC Radio nan Gàidheal

About BBC Radio nan Gàidheal