Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Tòmas Davis, Eaglais Shaor Chàrlabhaigh

08/05/2016

An t-Urr Tòmas Davis, Eaglais Shaor Chàrlabhaigh

BBC Radio nan Gàidheal - Dèanamaid Adhradh, An t-Urr Tòmas Davis, Eaglais Shaor Chàrlabhaigh

Seirbheis còmhla ris an Urr Tòmas Davis, Eaglais Shaor Chàrlabhaigh.

Seirbheis còmhla ris an Urr Tòmas Davis, Eaglais Shaor Chàrlabhaigh. Gaelic religious service conducted by Rev Thomas Davis, Carloway Free Church.

Anns an t-seirbheis cluinnidh sibh na sailm agus leughaidhean a leanas:
Salm 23: 1-2 air fonn Free Church agus 's e Aonghas Dòmhnallach a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Salm 95: 6-7 air fonn Bedford agus 's e Tormod Mac a' Ghobhainn a tha os cionn na seinn le taic bho choitheanal Eaglais Shaor Chrois.
Salm 100: 1-2 air fonn Coleshill agus 's e Dòmhnall Iain MacSuain a tha os cionn na seinn le taic bho choitheanal Eaglais Shaor an Oib.
Leughadh: Eòin 10: 7-30
Ceann-teagaisg: 10: 27


Rugadh Tòmas Davis ann an Obar Dheathain agus greis às dèidh sin ghluais an teaghlach a Steòrnabhagh, far an robh athair ag obair na dhotair teaghlaich. Tha triùir bhalach anns an teaghlach agus 's e Tòmas a th' anns a' mheadhan. Chaidh e a Bhun-Sgoil Steòrnabhaigh agus a dh' Àrd-Sgoil MhicNeacail. Bha ùidh riamh aig na balaich ann a bhith cluich ball-coise, ged a tha Tòmas ag ràdh nach robh e fhèin uabhasach math air. Nuair a chaidh e dhan àrd-sgoil ghabh e ùidh mhòr ann an ceòl agus thòisich e air grunn innealan-ciùil a chluich. Fiù 's chun an là 'n-diugh tha e a' faighinn toileachas mòr nuair a gheibh e ùine a chur seachad a' cluich a' ghiotar neo a' cluich a' bhogsa - beagan 'jamming' a dhèanamh, mar a thuirt e fhèin.
Choinnich Tòmas ri bhean, Una, greis bheag às dèidh dha an sgoil fhàgail agus phòs iad ann an 2003. Nuair a phòs e an toiseach bha e ag obair na phost pàirt-ùine agus aig an aon àm a' dèanamh ceum oilthigh. Nuair a chrìochnaich e an ceum thòisich e ag obair dha athair-cèile ag ionnsachadh a bhith na einnseanair far an robh e ag obair airson deich bliadhna. Tro na bliadhnaichean sin rugadh triùir chloinne dhaibh, Tom (10), John (8) agus Annie (5). B' ann an uair a bha e ag obair na einnseanair a thòisich e a' faireachdainn tarraing chun na ministrealachd agus às dèidh ùine cho-dhùin e gur e sin an t-slighe a bha e a' dol a ghabhail. Ghluais an teaghlach gu tìr-mòr far an robh Tòmas ag ionnsachadh dreuchd na ministrealachd agus ghabh e na bòidean aige ann an 2014. Chuir coitheanal Eaglais Shaor Chàrlabhaigh fios thuige agus tha e air a bhith os cionn a' choitheanail sin airson da bhliadhna a-nise agus tha iad fhèin agus a' chlann air an dòigh ann an Càrlabhagh.
Nuair a gheibh e ùine dha fhèin còmhla ris an teaghlach bidh iad a dol chun na mònach, a' dol air chuairt chun na tràghad, neo air a' bhaidhsagail, agus cuideachd a' campachadh. Bidh e cuideachd a' dèanamh beagan DIY an-dràst' 's a-rithist.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Tòmas Davis, Eaglais Shaor Chàrlabhaigh

Genres

Brand

BBC Radio nan Gàidheal

About BBC Radio nan Gàidheal