BBC Radio nan Gàidheal

Sgeulachd Beatha

Documentaries

Factual: Life Stories

Còmhraidhean le daoine mum beatha gu ruige seo. Conversations on life stories

Sgeulachd Beatha: Fearchar MacBheatha

Factual

sydney.jpg

31/01/2013

Fearchar MacBheatha

BBC Radio nan Gàidheal - Sgeulachd Beatha, Fearchar MacBheatha

Fearchar MacBheatha às a' Ghleann Bheag, à sgìre Ghleann Eilg, a' bruidhinn mu àm aig muir

Fearchar MacBheatha às a' Ghleann Bheag, a sgìre Ghleann Eilg, a' bruidhinn mu àm aig muir agus air tìr. Farquhar MacBeath from Glenelg talks about his time at sea and farming.

Rugadh Fearchar MacBheatha ann a 1924, an duine bu shine de shianar a theaghlach, agus 's ann a Leacachan air taobh deas Loch Dubhthaich a bha e na bhalach. Chaidh e an uair sin a dh' Àrd-Sgoil a' Phluic agus dh'fhàg e aig 14. Bha e ag obair na croite an toiseach agus bliadhna na dhà às dèidh sin agus e 18 's an Dàrna Cogadh air toiseachadh, chaidh e dhan arm. Fhuair e trèanadh an toiseach sna Marines ann a Deal ann a Kent. Nuair a bha iad a' lorg dhaoine airson na Commandos chuir e e fhèin air adhart air an son. Fhuair e steach agus fhuair e trèanadh sa Chuimrigh airson ceithir mìosan agus às dèidh sin an Achadh na Cairigh. Bha e an uairsin sa chogadh airson na sia mìosan mu dheireadh timcheall air Arnhem san Òlaind agus cuideachd ann an Sìona.
Nuair a bha an cogadh seachad thill e dhachaigh agus a dh'aindeoin gealltanas air trèanadh airson ciùird cha do thachair sin. Fhuair e obair sa choille, obair nach robh idir a' cordadh ris ach a bha deatamach dhan rìoghachd agus nach b'urrainn dha fàgail. Thuirt Fearchar gu robh e a' fàgail ge-tà agus dh'aontaich iad mu dheireadh gu faodadh e sin a dhèanamh. Fhuair e an uair sin obair air soitheach air a robh a' Flamborough Head, soitheach a bha a' dèanamh dheuchainnean air bàtaichean-aigeil. Thug sin a Gibraltar e agus nuair a thill e à sin 's e a' Chabhlach Mharsanta a thagh e, rattle-trap de thuba an toiseach! Nuair a dh'fhàs e sgìth de chladaichean Bhreatainn chaidh e null air soitheach a dh' Astràilia - agus dh'fhuirich e ann airson dusan bliadhna. Thill e an uair sin agus an ceann sreath fhuair e fearann an Gleann Eilg.

Chaochail Fearchar san Ògmhios am bliadhna aig aois 90.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Sgeulachd Beatha

Fearchar MacBheatha

Genres

Formats

Brand

BBC Radio nan Gàidheal

About BBC Radio nan Gàidheal