Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: 1/2 An t-Urr Calum MacIllEathain, Eaglais Shaor Leantainneach 2002

1/2 An t-Urr Calum MacIllEathain, Eaglais Shaor Leantainneach 2002

BBC Radio nan Gàidheal - Dèanamaid Adhradh, 1/2 An t-Urr Calum MacIllEathain, Eaglais Shaor Leantainneach 2002

Seirbheis bho 2002 còmhla ris an Urr Calum MacIllEathain, Eaglais Shaor Leantainneach.

Seirbheis bho 2002 còmhla ris an Urr Calum MacIllEathain, Eaglais Shaor Leantainneach. Gaelic archive service from 2003 with Rev Calum MacLean, Free Church Continuing.

Anns an t-seirbheis cluinnidh sibh na sailm agus an leughadh a leanas:

Salm 68: 18-19 air fonn Montrose agus 's e Uilleam Moireach a tha os cionn na seinn le taic bho choitheanal Eaglais Shaor a' Bhac.
Salm 23: 5-6 air fonn Evan agus 's e Seonaidh Ailig MacLeòid a tha os cionn na seinn le taic bho choitheanal Eaglais Shaor Shnìosoirt.
Salm 89: 15-16 air fonn Kilmarnock agus 's e Aonghas Dòmhnallach le taic bho choitheanal Eaglais Shaor a' Bhac a tha os cionn na seinn.

Leughadh: Ròmanaich 1: 1-16
Ceann-teagaisg: Ròmanaich 1: 16

Rugadh Mgr MacIllEathain ann an 1931 ann am baile Shiaboist. Fhuair e fhoghlam san sgoil ionadail gus an robh e ceithir bliadhna deug a dh'aois agus an uair sin chuir e seachad dà bhliadhna a' dèanamh a Sheirbheis Nàiseanta aig Feachd an Adhair. Chaidh iompachadh sa bhliadhna 1952 's thog e fianais air taobh Chrìosd ann an 1953. Dà bhliadhna às dèidh sin dh' fhairich e gu robh Dia ga ghairm dhan mhinistrealachd 's thill e dhan fhoghlam a' dèanamh cùrsa an toiseach ann an Colaiste Sgeiridh an Dùn Èideann eadar 1957 agus 1959. Chaidh e às an sin a dh' Oilthigh Obar Dheathain mus deach e gu Colaiste na h-Eaglaise Saoire ann an Dùn Èideann ann an 1961. Chaidh a phòsadh ri coitheanal Loch Carrain ann an 1965 agus ann an 1973 ghabh e ri gairm bho choitheanal Tholastaidh bho Thuath, an eilean àraich, far an robh e gus na leig e dheth a dhreuchd ann an 1996. Tha Mgr Mac IllEathain pòsta 's tha triùir nighean aige.
Bhon a leig e dheth a dhreuchd tha Mgr MacIllEathain air ais a' fuireach ann am baile àraich ann an Siabost. Le ùidh mhòr aige ann a bhith a' siubhal,  bhiodh e fhèin 's a bhean a' falbh gu math tric - eadar a bhith tadhail air a' chlann-nighean aca san dùthaich seo gu bhith gabhail làithean-saora thall thairis.  Nuair a bhiodh e aig an taigh bha ùidh mhòr anns a' ghàrradh a' fàs lusan agus abair gum biodh e gu math moiteil às a chuid obrach.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

1/2 An t-Urr Calum MacIllEathain, Eaglais Shaor Leantainneach 2002

Genres

Brand

BBC Radio nan Gàidheal

About BBC Radio nan Gàidheal