Màiri Ann - an neach-ciùil

Original version

BBC Radio nan Gàidheal

Factual: Arts, Culture & the Media

Factual: Life Stories

BBC Radio nan Gàidheal - Màiri Ann - an neach-ciùilSearch BBC

"Bhrosnaich is mhisnich i sinn."  Tha Màiri NicAonghais a' cuimhneachadh air Màiri Ann.

"Bhrosnaich is mhisnich i sinn a dhol a sheinn." Tha Màiri NicAonghais a' cuimhneachadh air Màiri Ann. Mairi MacInnes recalls the singing and teaching talents of Mary Ann MacLennan.

Cò bh' ann a Màiri Ann? Bha tè a bhrosnaich agus a mhisnich òigridh ann an Uibhist a dhol gu Mòdan Ionadail agus Nàiseanta 's gus a bhith seinn nan aonar agus mar phàirt de chòisir anns na seachdadan. Tè a sheinneadh  gu dìcheallach aig iomadach cèilidh is cuirm gu maith na coimhearsnachd, agus tè dha robh spèis mhòr aig muinntir Uibhist airson an obair mhòr a rinn i anns a' choimhearsnachd aca ann an ùine ghoirid.

Chaidh Màiri Ann, a bhuineadh dhan Ghearastan bho thùs, a dh’fhuireach a dh’Uibhist nuair a phòs i Iain Neillie Eàirdsidh, Iain MacIllFhinnein. Chaidh a fastadh mar neach-teagaisg òrain ann an sgoiltean ceann a deas Uibhist anns na seachdadan airson an òigridh a bhrosnachadh gus pàirt a ghabhail aig na mòdan.
Shoirbhich gu mòr le clann Sgoil Dhalabroig aig mòdan ri linn Màiri Ann agus bhrosnaich i cuid de sheinneadairean ainmeil as an sgìre cuideachd, cuid aca sin a tha rin cluinntinn an-diugh aig fèisean is cuirmean.  Am measg nan seinneadairean bha Màiri NicAonghais, agus tha i seo a' toirt sùil air ais air an obair a rinn Màiri Ann mus do bhàsaich i gu h-aithghearr ann a 1979  's gun i ach 34 bliadhna a dh'aois.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Màiri Ann - an neach-ciùil

Genres

BBC Radio nan Gàidheal

About BBC Radio nan Gàidheal