Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Màiri Byers bho Eaglais na h-Alba 2008

An t-Urr Màiri Byers bho Eaglais na h-Alba 2008

BBC Radio nan Gàidheal - Dèanamaid Adhradh, An t-Urr Màiri Byers bho Eaglais na h-Alba 2008

Seirbheis à tasglann a' BhBC còmhla ris an Urr Màiri Byers (nach maireann) bho 2008.

Seirbheis còmhla ris an Urr Màiri Byers nach maireann bho Eaglais na h-Alba 2008.  Gaelic religious service conducted by the late Rev Mairi Byers, Church of Scotland 2008.

Anns an t-seirbheis cluinnidh sibh na laoidhean, sailm is leughaidhean a leanas:
O Thigibh Seinneamaid do Dhia, air a sheinn le coitheanal Eaglais Chill an Rubha ann an Ìle
Salm 23, air a sheinn le Kenna Chaimbeul 
An Gràdh tha Naomh, air a sheinn le Coisir Eaglais Naomh Barr sa Bhàgh a' Tuath.
Chridhe Ghaolaich Ìosa, air a sheinn le Pòl MacCalluim
Siud an Làmh air an Luaidh Mi, air a sheinn le sgoilearan bho Sgoil Lionacleit.

Leughadh: Isaiah 30: 15, 18-21 & Eòin 14: 1-11 & 16
Ceann-teagaisg: Eòin 14:6


"Thàinig mi dhan t-saoghal seo mar nighean ministeir, 
thuit mi ann an gaol, 's mi nise na mo bhean ministeir 
agus cha do stad mi gun ro mi fhèin na mo mhinistear".

Na faclan aig an t-Urramach Màiri Byers nach maireann.  


Rugadh Màiri Byers neo Màiri Laing ann an 1932. B' i an treas neach ann an teaghlach de sheachdnar aig an Urr Calum Laing 's a bhean Màiri, neo Calum Raghnaill à Cnòc an Torrain agus Màiri NicRuairidh à Staidhligearraidh.

Bha athair Màiri, an t-Urr Calum Laing, na mhinistear air coitheanal Eaglais na h-Alba ann a Hobha Mòr an Uibhist a Deas agus 's e tidsear a bh' ann a Màiri.

Chuir Màiri òg seachad bliadhnaichean a h-òige ann an Uibhist a Deas, a' frithealadh Sgoil Hobha Mòr agus Àrd-sgoil Cheann a' Bhàigh. Bha i toilichte agus riaraichte le beatha mar eileanach, a' fàs suas ann an Uibhist a Deas .

Bha i ceithir bliadhna deug mus do chuir i cas air tìr-mòr na dùthcha. Chaidh i a dh'Àrd-sgoil Phort Rìgh airson bliadhna agus an dèidh sin ghluais an teaghlach a dh' Alanais. Bha Màiri a-nis a' frithealadh Àrd-sgoil Inbhir Pheofharain agus, ged a bha i ag ionndrainn Uibhist, bha beatha air tìr-mòr a' còrdadh rithe cuideachd.

Bha Màiri riamh ag iarraidh a bhith na banaltram agus airson a dhol a-null thairis na miseanaraidh. Nuair a dh'fhàg i an sgoil 's e sin am beachd a bh'aice ach dh'atharraich gnothaichean rud beag, oir choinnich i ris an duine aice agus, gu h-annasach, bha e fhèin cuideachd airson a bhith na mhiseanaraidh.

Chaidh Màiri san duine aice Ailean (an t-Urr ) a-null a Ghana far an robh iad airson iomadach bliadhna a' cuideachadh choimhearsnachdan an sin. Thill iad air ais a dh'Alba anns na seachdadan agus thill Màiri air ais gu foghlam agus i a-nis ag ionnsachadh a bhith na neach-teagaisg. Ach cha do stad i aig a sin - cha robh obair teagasg ag obrachadh a-mach dhi, agus mu dheireadh chaidh i a-staigh airson na ministrealachd .

B' e Diùra a' chiad choitheanal a bh' aice agus chan e a-mhàin gu robh e annasach a bhith faicinn boireannach a' searmonachadh, bha boireannach a' searmonachadh sa Ghàidhlig na annas buileach.  Leig Màiri dhith dreuchd paraiste ann an 1998 agus ghluais iad gu Annan.  Airson iomadach bliadhna bha i gu math trang bho là gu là san sgìre sin a' frithealadh ospadail agus taighean-eiridinn agus cuideachd a' searmonachadh gu math tric air Là na Sàbaid. 

Bhàsaich Màiri anns an t-Samhain an uiridh.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Màiri Byers bho Eaglais na h-Alba 2008

Genres

Brand

BBC Radio nan Gàidheal

About BBC Radio nan Gàidheal