Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Calum MacIllEathain, an Eaglais Shaor Leantainneach

An t-Urr Calum MacIllEathain, an Eaglais Shaor Leantainneach

BBC Radio nan Gàidheal - Dèanamaid Adhradh, An t-Urr Calum MacIllEathain, an Eaglais Shaor Leantainneach

Seirbheis à tasglann a' BhBC còmhla ris an Urr Calum MacIllEathain bho 2003.

Seirbheis à tasglann a' BhBC còmhla ris an Urr Calum MacIllEathain, an Eaglais Shaor Leantainneach. Gaelic service with the late Rev Calum MacLean, Free Church Continuing.

Anns an t-seirbheis cluinnidh sibh na sailm is an leughadh a leanas:
Salm 36:7-8 air fonn Torwood agus 's e Iain MacÌomhair a tha os cionn na seinn, le taic bho choitheanal Eaglais Shaor Bhaile a' Ghobhainn.
Salm 103:8-10 air fonn London New agus 's e Dòmhnall MacSuain a tha os cionn na seinn, le taic bho choitheanal Eaglais na h-Alba air an Tairbeart.
Salm 62: 7-8 air fonn Moravia agus 's e Aonghas MacSuain a tha os cionn na seinn, le taic bho choitheanal Eaglais Shaor Sgalpaigh.


Leughadh: Eòin 1: 1-14
Ceann-teagaisg: Eòin 1: 14

Rugadh Mgr MacIllEathain ann an 1931 ann am baile Shiaboist. Fhuair e fhoghlam san sgoil ionadail gus an robh e ceithir bliadhna deug a dh'aois agus an uair sin chuir e seachad dà bhliadhna a' dèanamh a Sheirbheis Nàiseanta aig Feachd an Adhair. Chaidh iompachadh sa bhliadhna 1952 's thog e fianais air taobh Chrìosd' ann an 1953. Dà bhliadhna às dèidh sin dh' fhairich e gu robh Dia ga ghairm chun na ministrealachd 's thill e dhan fhoghlam a' dèanamh cùrsa an toiseach ann an Colaiste Sgeiridh an Dùn Èideann eadar 1957 agus 1959. Chaidh e às an sin a dh' Oilthigh Obar Dheathain mus deach e gu Colaiste na h-Eaglaise Saoire ann an Dùn Èideann ann an 1961. Chaidh a phòsadh ri coitheanal Loch Carrain ann an 1965 agus ann an 1973 ghabh e ri gairm bho choitheanal Tholastaidh bho Thuath, an eilean àraich, far an robh e gus na leig e dheth a dhreuchd ann an 1996. Bha Mgr MacIllEathain pòsta 's bha triùir nighean aige.

Nuair a leig e dheth a dhreuchd bha Mgr MacIllEathain air ais a' fuireach ann am baile àraich ann an Siabost. Bha ùidh mhòr aige ann a bhith a' siubhal, agus bhiodh  e fhèin 's a bhean a' falbh gu math tric - eadar a bhith tadhail air a' chlann-nighean aca san dùthaich seo, gu bhith gabhail làithean-saora thall thairis. Nuair nach biodh e a' siubhal,  bha e ga chumail fhèin gu math trang anns a' ghàrradh a' fàs lusan agus bha e gu math moiteil às a chuid obrach.

Bhàsaich Mgr MacIllEathain air an 18 den Mhairt 2020 aig aois 89.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Calum MacIllEathain, an Eaglais Shaor Leantainneach

Genres

Brand

BBC Radio nan Gàidheal

About BBC Radio nan Gàidheal