Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Deanamaid Adhradh

Dèanamaid Adhradh: An t-Oll Urr Aonghas Moireasdan, Eaglais Sgìre Orwell agus Portmoak

05/04/2015

An t-Oll Urr Aonghas Moireasdan, Eaglais Sgìre Orwell agus Portmoak

BBC Radio nan Gàidheal - Dèanamaid Adhradh, An t-Oll Urr Aonghas Moireasdan, Eaglais Sgìre Orwell agus Portmoak

Seirbheis Didòmhnaich Càisg còmhla ris an Oll Urr Aonghas Moireasdan.

Seirbheis na Càisg còmhla ris an Oll Urr Aonghas Moireasdan, Eaglais Sgìre Orwell agus Portmoak. Easter Service with the Rev Dr Angus Morrison, Orwell and Portmoak Parish Church.

Anns an t-seirbheis cluinnidh sibh na sailm, na laoidhean agus an leughadh a leanas:
An còmhlan Cliar le Salm 117/150 - O Thugaibh Moladh Mòr do Dhia.
Èirigh Bileag Ùr Ghorm le Joanne Mhoireach 
Salm 16: 10-11 air fonn Kilmarnock agus an t-Urr Seumas Dòmhnallach os cionn na seinn le taic bho choitheanal Eaglais na h-Alba ann an Garrabost.

Leughadh: Marcus 16: 1-8

Rugadh agus thogadh an t-Oll Urr Aonghas Moireasdan ann an Gleann Comhann ann an 1953 ged a chur e seachad a' chuid as motha de làithean òige anns an Òban. B' ann do bhaile Lingreabhagh anns na Hearadh a bhuineadh athair agus a mhàthair agus tha deagh chuimhne aige fhèin iomadach samhradh a chur seachad ann an Ceann a Deas na Hearadh agus a bhith a' faighinn blasad air dòigh-beatha anns na h-Eileanan an Iar. 

Chaidh Mgr Moireasdan gu Àrd-Sgoil an Òbain agus às an sin gu Oilthigh Ghlaschu far an d'fhuair e teisteanas MA ann an Laideann agus Greugai. Fhuair e teisteanas BD tro Oilthigh Lunnainn agus PhD bho Oilthigh Dhùn Èideann. 

Tha Mgr Moireasdan air a bhith ann an ceithir paraistean bhon a ghabh e dreuchd ministear ann an 1979 : an t-Òban, Dùn Èideann, Steòrnabhagh agus an dràsta fhèin ann an Eaglais Sgìre Orwell & Portmoak. Tha Mgr Moireasdan pòsta aig Marion agus teaghlach de cheathrar aca, triùir ghillean agus aon nighean. 

Bha ùidh a-riamh aige ann a bhith a' leughadh agus a' ceannach leabhraichean agus 's iomadh turas a bhiodh a mhàthair a' trod ris na òige gun robh e air an t-airgead a thug i dha airson lèintean a cheannach a chosg air leabhar eile. 'S e cluas bhodhar a fhuair i agus e fhathast trom air a bhith a' ceannach leabhraichean. Tha ùidh mhòr aige ann a bhith a' coimhead ball-coise agus ag èisteachd ri ceòl clasaigeach. Tha bliadhna air leth sònraichte air thoiseach air Mgr Moireasdan oir bidh e a' gabhail thairis dreuchd Modaràtair Eaglais na h-Alba aig an Àrd-Sheanadh anns a' Chèitean.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Oll Urr Aonghas Moireasdan, Eaglais Sgìre Orwell agus Portmoak

Genres

Brand

BBC Radio nan Gàidheal

About BBC Radio nan Gàidheal