Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Deanamaid Adhradh

Dèanamaid Adhradh: An t-Urr Calum MacMhathain, Eaglais Shaor Shiaboist 1987

08/02/2015

An t-Urr Calum MacMhathain, Eaglais Shaor Shiaboist 1987

BBC Radio nan Gàidheal - Dèanamaid Adhradh, An t-Urr Calum MacMhathain, Eaglais Shaor Shiaboist 1987

Seirbheis à tasglann a' BhBC còmhla ris an Urr C MacMhathain, Eaglais Shaor Shiaboist.

Seirbheis à tasglann a' BhBC còmhla ris an Urr Calum MacMhathain, Eaglais Shaor Shiaboist 1987. Gaelic archive service from 1987 conducted by the late Rev Calum Matheson.

Anns an t-seirbheis à tasglann a' BhBC air an t-seachdain seo cluinnidh sibh seirbheis a chaidh a chlàradh còmhla ris an Urr Calum MacMhathain, nach maireann, ann an 1987 nuair a bha e na mhinistear ann an Eaglais Shaor Shiaboist.

Anns an t-seirbheis cluinnidh sibh na sailm is an leughadh a leanas:

Salm 111 air fonn London New agus Salm 73 air fonn Stornoway, agus 's e D R Dòmhnallach a tha os cionn na seinn le taic bho choitheanal Eaglais Shaor Steòrnabhaigh.

Leughadh: 1 Timoteus 2: 1-11
Ceann-teagaisg: 1 Timoteus 2: 5


Rugadh Calum MacMhathain ann an 1948 agus cha robh anns an teaghlach ach e fhèin. Chaidh àrach ann a Steòrnabhagh agus bha e am measg buidheann bhalach as a' bhaile air an robh na Torquil Terrace Boys.

Chaidh oideachadh ann am Bun-Sgoil Steòrnabhaigh agus Àrd-Sgoil MhicNeacail agus dh'fhàg e an sgoil aig sia bliadhna deug. Chaidh e an uairsin a Lunnainn far an d'fhuair e obair san t-Seirbhis Chatharra.

Bha guth sònraichte làidir aig Calum agus bha sin gu math follaiseach bho làithean òige. Nuair a bha e anns a' bhun-sgoil bhuannaich e am bonn òr aig a' Mhòd Ionadail airson seinn agus bha ùidh mhòr aige anns a' Ghàidhlig agus ann a bhith ga dìon.

Thòisich Calum air beatha Chrìosdail a leantainn nuair a bha e ann a Lunnainn, agus le càirdeas is coibhneas bho Ghàidheil Lunnainn thàinig e gu bhith na bhall dhan choitheanal anns an Eaglais Shaor an sin. Bha ùidh mhòr aige anns na h-òraidean aig an Dr Màrtainn Lloyd Jones agus bha e na bhall dhan choisir nuair a bha Billy Graham a' searmonachadh ann a Lunnainn. Thoisich Calum air searmonachadh an toiseach nuair a bha e ann an Lunnainn.

Aig fìor dheireadh na trì ficheadan ghluais e a Ghlaschu far an robh e na bhall de choitheanal Eaglais Shaor Bhaile Ghobhainn agus 's ann nuair a bha e an sin a fhuair e stiùireadh airson a dhol a-staigh airson na ministrealachd. Nuair a dh'fhàg Calum an sgoil cha robh e air deuchainn a dhèanamh aig àrd-ìre agus le sin b' fheudar dha a dhol gu clasaichean oidhche. Rinn e adhartas air leth le foghlam aig àrd-ìre agus fhuair e teisteanas san oilthigh airson litreachas agus eachdraidh na h-Alba. A bharrachd air an sin bha e a' gabhail clasaichean prìobhaideach airson a Ghàidhlig a leasachadh. Chaidh Calum gu Colaiste na h-Eaglaise Saoire ann an Dùn Èideann bho 1977 gu 1980 agus chaidh a phòsadh ri coitheanal Shiaboist far an robh e na mhinistear airson aona bliadhna deug. Fhuair e gairm gu Eaglais Shaor nam Manach Liath ann an Inbhir Nis ann an 1991 far an do bhrosnaich e an coitheanal ann an iomadach dòigh. Gu mì-fhortanach às dèidh trioblaidean lannsa bhàsaich e ann an 1992.
Bidh cuimhn' aig mòran air Mgr MacMhathain mar shearmonaiche air leth - duine mòr agus meas mòr aig daoine air. Bhiodh e tric ri chluinntinn ag ràdh "Tha an Tighearna math, Oh tha an Tighearna math.".

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Calum MacMhathain, Eaglais Shaor Shiaboist 1987

Genres

Brand

BBC Radio nan Gàidheal

About BBC Radio nan Gàidheal