Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Deanamaid Adhradh

Dèanamaid Adhradh: An t- Urr. Calum MacLeòid Eaglais Shaor Shiaboist

18/01/2015

An t- Urr. Calum MacLeòid Eaglais Shaor Shiaboist

BBC Radio nan Gàidheal - Dèanamaid Adhradh, An t- Urr. Calum MacLeòid Eaglais Shaor Shiaboist

Còmhla ris an Urr Calum MacLeòid bho Eaglais Shaor Shiaboist.

Còmhla ris an Urr Calum MacLeòid bho Eaglais Shaor Shiaboist. Gaelic religious service conducted by the Rev Calum MacLeod, Shawbost Free Church.

Anns an t-seirbheis cluinnidh sibh na sailm agus an leughadh a leanas:
Salm 22: 22-24 air fonn Martyrdom agus 's e Dòmhnall MacLeòid a tha os cionn na seinn le taic bho choitheanal Eaglais Shaor an Rubha.
Salm 86: 15-16 air fonn Evan agus 's e an t-Urr Seumas Dòmhnallach a tha os cionn na seinn le taic bho Choitheanalan Eaglaisean Leòdhais agus na Hearadh.
Salm 118: 15-16 air fonn Dundee agus 's e an t-Urr Niall Seathach a tha os cionn na seinn le taic bho choitheanal Eaglais Free North ann an Inbhir Nis.

Leughadh: Lucas 15: 11-24
Ceann-teagaisg: Lucas 15:11

'S e an t-Urr Calum MacLeòid a tha na mhinistear an Eaglais Shaor Shiaboist air taobh siar Eilean Leòdhais a tha a' searmonachadh ann an Dèanamaid Adhradh air an t-seachdain seo.

'S ann do bhaile Shuardail anns a Rubha a bhuineas Mgr MacLeòid. Fhuair e oideachadh ann am Bun-Sgoil a' Chnuic agus ann an Àrd-Sgoil MhicNeacail. Às dèidh dha an sgoil fhàgail ann an 1974 thoisich e air obair cuide ri Post Office Telephones, mar a bha orra an uairsin, mus do dh'atharraich iad gu British Telecom agus gu BT mar is eòlaich sin orra an-diugh.

Thàinig Mgr MacLeòid gu bhith na bhall ann an Eaglais Shaor an Rubha aig deireadh na seachdadan. Bha e cuideachd a' teagaisg anns an Sgoil Shàbaid, na dheucon agus an uairsin na èildeir anns a' choitheanal. Phòs e fhèin agus a bhean Catherine ann an 1981 agus tha dithis mhac aca, Graeme agus Stuart. 

Dh'fhàg Mgr MacLeoid BT ann an 1997 agus a chaidh e a-staigh airson na ministearalachd, a' tilleadh gu fòghlam aig Colaiste na h-Eaglaise Saoire ann an Dùn Èideann airson trì bliadhna. Chaidh a phòsadh ri coitheanal Shiaboist anns an Dàmhair 2000 far a bheil e fhathast. A bharrachd air a bhith a' frithealadh a' choitheanal aige tha Mgr MacLeòid cuideachd na chlàrc aig Clèir nan Eilean Siar.

Nuair a gheibh e beagan ùine dha fhèin, (rud nach bi a' tachairt ro thric) is caomh leis a bhith falbh air a' bhaidhsagail, a' ruith agus a' coiseachd agus, nuair a dh'fheumas e, bidh e a' dèanamh beagan DIY. Tha ùidh aige cuideachd ann an croitearachd. Bho chionn ghoirid sgrìobh e a' chiad leabhar aige air eachdraidh Eaglais Shaor Shiaboist.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t- Urr. Calum MacLeòid Eaglais Shaor Shiaboist

Genres

Brand

BBC Radio nan Gàidheal

About BBC Radio nan Gàidheal