Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Còmhla ri Graham Moireasdan

Còmhla ri Graham Moireasdan

BBC Radio nan Gàidheal - Dèanamaid Adhradh, Còmhla ri Graham Moireasdan

Còmhla ri Graham Moireasdan, searmonaiche aig Eaglais Naomh Chaluim Chille, Glaschu, 2014.

Seirbheis còmhla ri Graham Moireasdan, searmonaiche aig Eaglais Naomh Chaluim Chille, Glaschu 2014. Service conducted by G Morrison, lay preacher St Columba's Church of Scotland.

Anns an t-seirbheis cluinnidh sibh na sailm, an laoidh agus na leughaidhean a leanas:

Salm 16: 5-8 air fonn Moravia agus 's e Coinneach A MacAoidh a tha os cionn na seinn le taic bho choitheanal Eaglais na h-Alba an Ùige, Leòdhas.
Salm 16: 10-11 air fonn Stornoway agus 's e Dòmhnall Guinne a tha os cionn na seinn bho chlàradh de shailm a chaidh a dhèanamh ann an Nis ann an 1985.
Tha Fios Agam gu Bheil m' Fhear-saoraidh Beò air a sheinn le Màiri Mhoireasdan.

Leughadh: Salm 23
Ceann-teagaisg: Leabhar Iob 19:25

Rugadh Graham Moireasdan ann am baile Phartaic ann an Glaschu far an robh an teaghlach air an dachaigh a dhèanamh. 'S ann à baile Lìonail a bha athair, Tormod Aonghais Bhig, agus phòs e Edna a bhuineadh do sgìre Riddrie ann an Glaschu. Bha sianar anns an teaghlach, ceathrar bhalach agus dithis nighean agus 's e Graham an treas duine. Nuair a bha Graham beagan is bliadhna gu leth thàinig e a dh'fhuireach còmhla ri a sheanmhair agus piuthar-athar ann an Lìonail oir bha trioblaidean slàinte aige aig an àm.

Ghluais an teaghlach air fad air ais a Nis taobh a-staigh còig bliadhna ach dh'fhuirich Graham còmhla ri sheanmhair. Chaidh e dhan sgoil ann an Lìonail agus, mar a thuirt e fhèin, "Chan fhaighinn aiste luath gu leòr." Dà latha às dèidh dha an sgoil fhàgail bha e anceann a chosnaidh ag obair ann am bùth Lipton ann a Steòrnabhagh. Chaidh e an uair sin a dh'obair gu bùth mhòr eile sa bhaile, an Co-op, agus às dèidh sin chaidh e a dh'obair ann am bùth a bha reic peant is pàipear agus cho-dhùin e an uair sin a' bhùth aige fhèin fhosgladh a bha reic an dearbh stuth. Aig an àm sin cuideachd bha Graham gu mòr a sàs ann an Comann Eachdraidh Nis far an robh e na chathraiche air a' bhuidhinn agus cuideachd na chathraiche air comataidh creideimh aig a' bhuidhinn League of Friends aig na h-ospadail ann an Leòdhas.

Chur e a chùl ri obair anns na bùithean agus chaidh e a dh'obair mar neach-taic banaltraim ann an Ospadal a' Chounty ann an Steòrnabhagh. Fhads a bha e sin bha e cuideachd a' sàs ann an rèidio nan ospadal, a' cur air dòigh sheirbheisean is eile airson na h-euslaintich. Beagan mhionaidean mus do dhùin Ospadal a' Chounty airson an turas mu dheireadh ghabh e an ùrnaigh mu dheireadh anns an ospadal. Gu mì-fhortanach ghortaich Graham a dhruim agus le sin b' fheudar dha obair eile a lorg. Ghluais e a Ghlaschu far an robh e airson iomadach bliadhna ag obair saor-thoileach a' coimhead às dèidh dhaoine a bha gun dachaigh, a' sàs anns na soup-kitchens agus anns a' bhuidhinn Loaves and Fishes. Chaidh Graham air ais gu foghlam agus rinn e HNC ann an Cùram Sòisealta anns a' cholaiste agus an uair sin chaidh e gu Colaiste na h-Eaglaise Saoire far an do rinn e cùrsa ceithir bliadhna ann an Diadhaireachd agus fhuair e cuideachd teisteanas ann an cuspairean Crìosdail .

Bha Graham na shearmonaiche ann an Eaglais Naomh Chaluim Chille ann an Glaschu airson grunn bhliadhnaichean a' searmonachadh anns a' Ghàidhlig agus anns a' Bheurla. Tha e fhathast a' toirt taic dhaibhsan a tha gun dachaigh agus le trioblaidean sòisealta.

Nuair a gheibh e ùine dha fhèin bidh e a' leughadh tòrr agus a' còcaireachd.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Còmhla ri Graham Moireasdan

Genres

Brand

BBC Radio nan Gàidheal

About BBC Radio nan Gàidheal