Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Aonghas Mac a' Ghobhainn

An t-Urr Aonghas Mac a' Ghobhainn

BBC Radio nan Gàidheal - Dèanamaid Adhradh, An t-Urr Aonghas Mac a' Ghobhainn

Seirbheis Bliadhn' Ùr 2014 còmhla ris an Urr Aonghas Mac a' Ghobhainn.

An t-Urr A Mac a' Ghobhainn le seirbheis Bliadhn' Ùr. Rev A Smith with a New Year Service from 2014.

Anns an t-seirbheis cluinnidh sibh na laoidhean, sailm agus leughaidhean a leanas:
Salm 139: 5-6 agus os cionn na seinn tha Donnie M MacLeòid le taic bho na còisirean a bha sàs anns a' phròiseact, Lasair Dhè.
Do Làmh a Chrìosda air a sheinn le Catrìona Ann Nic-a-Phì
Ùrnaigh an Tighearna air a sheinn le Joanna Peteranna
Athchuinge O Righ nan Dùl air a sheinn leis na còisirean a bha an sàs sa phròiseact, Lasair Dhè

Leughaidhean:
Ecclesiastes 3: 1-12
Soisgeul Lùcais 1: 67-75

Tha Mgr Mac a' Ghobhainn air a dhreuchd a leigeil dheth an-diugh ach 's ann san arm a chuir e seachad a' chuid bu mhotha de mhinistrealachd. Bha e a' frithealadh rèisimeidean leithid Rèisimeid na Banrigh anns a' Ghearmailt, Èirinn a Tuath, agus sna h-Eileanan Falkland agus bha e cuideachd na thaic aig rèisimeidean air feadh na dùthcha eadar Sasann is Alba. Bho àm gu àm bhiodh e a' dol còmhla ri seann saighdearan agus bhiodh e os cionn seirbheisean cuimhneachaidh anns an Fhraing agus àiteachan eile. Dh'fhàg e an t-arm san Lùnastal 1991.

'S ann do sgìre Cheòis air na Lochan ann an Leòdhas a bhuineas Mgr Mac a' Ghobhainn. Chaidh e gu Bun-sgoil Chnoc Iain Duibh, Àrd-sgoil MhicNeacail agus gu Oilthighean Ghlaschu agus Obar Dheathain.

Chaidh a phòsadh ri clèir Uibhist agus bha e a' frithealadh coitheanal Bheinn a' Bhadhla, far an robh e cuideachd na mhinistear aig ionad an airm, mas deach e a fhrithealadh rèisimeidean thall 's a bhos chun Lùnastal 1991.

Mìos às dèidh dha an t-arm fhàgail thòisich Mgr Mac a' Ghobhainn na mhinistear-cuideachaidh aig gnìomhachas na h-ola far an robh e stèidhichte ann an Obar Dheathain. Bha an obair aige mar mhinistear-cuideachaidh ga thoirt a-mach gu cruinn-ola sa Chuan a Tuath agus ann am Bàgh Poll a' Ghrùthain a latha agus a dh'oidhche. 'S iomadh Nollaig a chuir e seachad air clàr-ola ann an droch thìde còmhla ris an luchd-obrach. Bha e an sin gus an do leig e dheth a dhreuchd anns a' Mhàirt 2006.

Tha Mgr Mac a' Ghobhainn a-nise air a dhreuchd a leigeil dheth - uill,  gu ìre co-dhiù ! Tha e nise a' fuireach ann an Dùn Èideann, ach tha obair na ministrealachd fhathast ga chumail trang eadar a bhith a' searmonachadh anns a' Ghàidhlig ann an Eaglais nam Manach Liath ann an Dùn Èideann agus a' dèanamh sheirbheisean fhathast airson an airm agus a' toirt taic dhaibhsan a tha air fulang air sgàth a bhith san arm no tha air buill dhen teaghlaichean a chall ri linn 's gu robh iad anns an arm.

Nuair a bhios ùine aige dha fhèin bidh e a' cur seachad tòrr ùine còmhla ri theaghlach - tha ceathrar mhac aige fhèin 's a bhean, Seonag. Bidh e cuideachd a' cur seachad tòrr ùine a' leughadh - gu h-àraidh leabhraichean air diadhachd - a' tadhal air an leabharlann agus ann an ionadan ealain. Tha ùidh mhòr aige ann an ceòl bho phuirt-a-beul gu ceòl clasaigeach agus a bharrachd air an sin is toigh leis a bhith a' tadhal air eaglaisean, a' sreap bheanntan agus a' cumail sùil air a' mhuir.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Aonghas Mac a' Ghobhainn

Genres

Brand

BBC Radio nan Gàidheal

About BBC Radio nan Gàidheal