Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Deanamaid Adhradh

Dèanamaid Adhradh: An t-Urr Tommy MacFhionghuin

08/06/2014

An t-Urr Tommy MacFhionghuin

BBC Radio nan Gàidheal - Dèanamaid Adhradh, An t-Urr Tommy MacFhionghuin

Còmhla ris an Urr Tommy MacFhionghuin, an Eaglais Shaor.

Còmhla ris an Urr Tommy MacFhionghuin, an Eaglais Shaor. Gaelic service conducted by Rev Tommy MacKinnon, Free Church Minister.

Anns an t-seirbheis cluinnidh sibh na sailm agus an leughadh a leanas: 
Salm 34: 1-2 air fonn Walsall agus os cionn na seinn tha Eòin Dòmhnallach le taic bho choitheanal Eaglais na h-Alba ann am Portrigh . 
Salm 32: 1-2 air fonn Martyrdom agus os cionn na seinn tha Tormod MacIllIosa le taic bho choitheanal Eaglais Shaor Chille Mhoire san Eilean Sgiathanach 
Salm 36: 9-10 air fonn Coleshill agus os cionn na seinn tha Iain Ailig MacLeòid le taic bho choitheanal Eaglais Shaor Ùige an Eilein Sgiathanaich 
 
Leughadh: Corintianaich 5: 17-21 
Ceann-teagaisg: Corintianaich 5: 17 
 
'S e an t-Urr Tommy MacFhionghuin a tha a' searmonachadh dhuinn ann an Dèanamaid Adhradh air an t-seachdain seo. Bha Mgr MacFhionghuin na mhinistear air coithional Eaglais na h-Alba ann an Cille Mhoire agus Lagaidh Eararaidh gu bho chionn trì bliadhna. 
 
'S ann às an Aodann Bhàn, san Eilean Sgiathanach, a tha Mgr MacFhionghuin agus chaidh e gu Àrd-sgoil Phort Rìgh gus an robh e còig deug. Às dèidh an sgoil fhàgail, fhuair e obair a' càradh innealan ( 's dòcha gu bheil sin follaiseach chun an là 'n-diugh mar a chì sibh san dealbh). 
 
Phòs Mgr MacFhionghuin a bhean, Julia, ann an 1975 agus bha triùir chloinne aca - dithis bhalach agus nighean, agus a-nise tha dithis òghaichean aige. 
 
Às dèidh tubaist le car ann an 1984, cho-dhùin Mgr MacFhionghuin gun robh e dol a dhèanamh foghlam aig àrd-ìre agus thill e air ais dhan sgoil ann an 1989/90 far an d'fhuair e teisteanas ann an Gàidhlig, Beurla agus Modern Studies. Dh'aontaich Eaglais na h-Alba a ghabhail airson trèanadh a bhith na mhinistear agus chaidh e gu Oilthigh Obar Dheathain. 
 
Bha Mgr MacFhionghuin na mhinistear ann a sgìre Earra Ghàidheal airson dà bhliadhna agus an uairsin chaidh e a dh'Uibhist a Tuath far an robh e seachd bliadhna, agus às an sin gu siorrachd Rois. 
 
Tha ùidh mhòr aig Mgr MacFhionghuin ann an innealan, gu h-àraidh ann an motair-baidhsagalan.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Tommy MacFhionghuin

Genres

Brand

BBC Radio nan Gàidheal

About BBC Radio nan Gàidheal