Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Oll Urr Dòmhnall MacLeòid

An t-Oll Urr Dòmhnall MacLeòid

BBC Radio nan Gàidheal - Dèanamaid Adhradh, An t-Oll Urr Dòmhnall MacLeòid

Seirbheis còmhla ris an Oll Urr Dòmhnall MacLeòid, nach maireann,  bho 2003.

Seirbheis còmhla ris an Oll Urr Dòmhnall MacLeòid, nach maireann, bho 2003. Gaelic religious archive service conducted by the late Prof Donald MacLeod in 2003.

Anns an t-seirbheis cluinnidh sibh na sailm agus an leughadh a leanas:
Salm 103: 12-13 agus 's e Dòmhnall Dòmhnallach a tha os cionn na seinn agus Salm 118: 11-12 le  Alasdair Greumach os cionn na seinn. Chaidh na sailm a chlàradh ann an Seamanaraidh na h-Eaglaise Saoire ann an Steòrnabhagh.

Salm 30: 11-12 air fonn London New agus 's e Iain MacLeòid a tha os cionn na seinn le taic bho choitheanal Àrd-eaglais Steòrnabhaigh.

Leughadh: Eòin 8; 25-36
Ceann-teagaisg: Eòin 8: 32

Chaochail an t-Ollamh Urramach Dòmhnall MacLeòid aig aois 82 na dhachaigh ann an Dùn Èideann air 21 den Chèitean 2023.
Bha cliù aige mar shearmonaiche, mar sgoilear agus mar sgrìobhaiche air leabhraichean diadhachd agus cuideachd air cùisean làitheil ann an colbhan sna pàipearan-naidheachd.

Rugadh an t-Ollamh Urramach Dòmhnall Macleòid ann an Tàbost, Nis, Eilean Leòdhais, ann an 1940. Ghluais an teaghlach a Lacasdal, faisg air Steòrnabhagh ann an 1945 agus b' ann ann an sin a chaidh e dhan bhun-sgoil agus an uair sin gu Sgoil MhicNeacail. Cheumnaich Dòmhnall à Oilthigh Ghlaschu 's an uairsin à Colaiste na h-Eaglaise Saoire, 's chaidh a phòsadh ri coitheanal Chill Mhàillidh ann an 1964 far a robh e gu 1970. Bha e an uairsin na mhinistear ann am Partick Highland ann an Glaschu gus an d'fhuair e obair an Colaiste na h-Eaglaise Saoire ann an 1978. Bha e a' teagasg Diadhachd agus fhuair e dreuchd Prionnsapal na Colaiste ann an 1999 agus bha e an sin gus an do leig a dheth a dhreuchd. Bha e na neach-deasachaidh air iris-oifigeil na h-Eaglaise Saoire - The Monthly Record - eadar 1977 agus 1990.

Bha e pòsta aig Màiri à Siabost agus bha triuir bhalaich aca.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Oll Urr Dòmhnall MacLeòid

Genres

Brand

BBC Radio nan Gàidheal

About BBC Radio nan Gàidheal