Original version

BBC Radio nan Gàidheal

An Dachaigh

An Dachaigh: Episode 3: Leasachadh Seann Taigh

Factual: Homes & Gardens

Aonghas MacLeòid

Episode 3

Episode 3: Leasachadh Seann Taigh

Leasachadh Seann Taigh

BBC Radio nan Gàidheal - An Dachaigh, Leasachadh Seann TaighSearch BBC

Calum Aonghas MacAoidh a' coimhead ri mar a leasaicheas sinn seann taighean.

Calum Aonghas MacAoidh a' coimhead ri mar a leasaicheas sinn seann taighean. Calum Angus MacKay looks at the process of renovating old houses.

Anns an t-sreath seo, tha Calum Aonghas MacAoidh a' toirt sùil air na dòighean agus a' chomhairle as ùire a tha an cois a bhith a' togail thaighean, gan leasachadh agus gan teasachadh.

An-diugh, tha e a' coinneachadh ri triùir dhaoine a tha ri leasachadh seann taighean. Bidh e a' faighinn comhairle mu chuid de na dòighean as fheàrr air seann dachaigh ùrachadh agus a dhèanamh seasgair, dìonach agus èifeachdach ann a bhith gleidheil teas.

Ann am baile Liùrboist ann a Leòdhas tha Evelyn Coull air tòiseachadh a' leasachadh seann dachaigh a chaidh a thogail anns na 40an, ann an cruth a bha annasach san eilean aig an àm.
Thagh i fhèin 's a leannan obair-leasachaidh a dhèanamh seach taigh ùr a thogail, 's iad airson caractar an taighe a ghleidheil.

Bidh Murchadh Moireach a' toirt seachad comhairle air ciamar a ghabhas seann dachaigh a dhèanamh 'uaine' agus èifeachdach a thaobh cumhachd. Agus gabhaidh iad cuairt gu taobh siar Leòdhais, far am bheil Murchadh fhèin ag ullachadh airson seann taigh a sheanar a leasachadh.

Às a sin, bidh Calum Aonghas a' siubhal gu ceann a tuath an eilein, gu taigh a chaidh a thogail ann an 1932. Tha Aonghas MacLeòid e fhèin air a bhith trang ag ùrachadh taigh a sheanar 's an obair gus a bhith deiseil. B' ann sna 20an a thòisich a sheanair a' slaodadh chlachan, le each is cairt, à cladach Shuaineboist airson an taigh a thogail.

An-diugh, tha e air ùr-sgeadachadh gun mòran atharrachaidh ga thoirt air dreach an taighe bhon taobh a-muigh, agus tha e air a dhèanamh 'uaine' agus èifeachdeach a thaobh cumhachd. An àite teine anns gach seòmar, mar a bha, tha aon stòbha bheag, ghrinn agus roth-gaoithe air cùl an taighe a' cumail cumhachd ri solais LED.

Èist ri naidheachdan, còmhradh, ceòl agus spòrs gach là, moch gu anmoch.

Calum Angus MacKay's series on homebuilding and renovation

Calum Aonghas MacAoidh le sreath ùr mu bhith a' togail agus a' leasachadh thaighean. Calum Angus MacKay presents a new series on homebuilding and renovation

Accessibility links

Programme Index

An Dachaigh

Episode 3: Leasachadh Seann Taigh

Genres

Series

BBC Radio nan Gàidheal

About BBC Radio nan Gàidheal