Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Deanamaid Adhradh

Dèanamaid Adhradh: Didòmhnaich Slat Phailm le Iain Eàirdsidh Mac a' Mhaoilein

13/04/2014

Didòmhnaich Slat Phailm le Iain Eàirdsidh Mac a' Mhaoilein

BBC Radio nan Gàidheal - Dèanamaid Adhradh, Didòmhnaich Slat Phailm le Iain Eàirdsidh Mac a' Mhaoilein

Seirbheis airson Didòmhnaich Slat Phailm còmhla ri Iain Eàirdsidh Mac a' Mhaoilein.

Seirbheis airson Didòmhnaich Slat Phailm còmhla ri Iain Eàirdsidh Mac a' Mhaoilein. Gaelic religious service for Palm Sunday with John Archie MacMillan.

Anns an t-seirbheis cluinnidh sibh na laoidhean agus leughadh a leanas:
Sheas a Mhàthair ( Stabat Mater) le Amy NicAmhlaigh; Ceud Fàilt' a Shàcramaid nam buadh le Niall Caimbeul; Pueri Hebraeorum le Manaich bho Manachainn Benedictino ann an Santo Domingo De Silos; Coisich Dlùth le Ìosa le Anna Mhoireach; Ùrnaigh an Tighearna le Joanna Peteranna agus Slighe na Croise le Anna Nic na Ceàrdaich.

Leughadh: Lùcas 19:30-42

Rugadh agus thogadh Iain Eàirdsidh ann an Cill Donain ann an Uibhist a Deas agus chaidh e dhan sgoil an sin agus an Dalabrog. Às an sin, chaidh e gu Colaiste Blairs ann an Obar Dheathain agus à sin gu Colaiste Rìoghail na Sagartachd anns an Spàinn airson sia bliadhna. Thàinig e a-mach na shagart anns an Ògmhios, naoi ceud deug trì fichead 's a h-aon deug.
Bha e na shagart ann an Dùn Omhain, Eilean Bhòid, Dalabrog agus Èirisgeidh. Bha Iain Eàirdsidh ag obair mar Oifigear Leigheis-inntinn ann an Lodainn an Iar a' cuideachadh daoine le trioblaidean inntinn agus ag oideachadh 's a' toirt comhairle do dhaoine eile ann a bhith a' dèiligeadh ri daoine le trioblaidean inntinn. Tha e a-nis air a dhreuchd làn-ùine a leigeil seachad.
Tha e a' fuireach ann an Ceann a Deas Drochaid na Banrigh le bhean, Màiri, agus an dithis theaghlach, Harriet agus Mata. Nuair a bhios ùine aige dha fhèin is toigh leis a bhith siubhal a-null thairis, gu h-àraid dhan Eadailt, far a bheil taigh aca ann am baile beag iomallach. Air a shlighe a dh'obair, bidh e ag èisteachd ri clàraidhean den chànan Eadailtis 's a' feuchainn ri gnìomhairean Eadailtis ionnsachadh - gu mì-fhortanach bidh an fheadhainn Eadailteach agus Spàinnteach a' dol an lùib a chèile gu math tric, ach tha e còrdadh ris gu mòr a bhith dèanamh seo. Bidh e cuideachd a' cur ùine seachad air a' chùrsa golf agus a' dèanamh tòimhseachain-tarsainn agus ag eadar-theangachadh pìosan beaga an siud 's an seo dhan Ghàidhlig.
Bidh Iain Eàirdsidh os cionn nan seirbheisean Gàidhlig ann an Eaglais nam Manach Liath ann an Dùn Èideann uair sa h-uile sia gu ochd seachdainean. 
 
Producer Angela MacKinnon.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Didòmhnaich Slat Phailm le Iain Eàirdsidh Mac a' Mhaoilein

Genres

Brand

BBC Radio nan Gàidheal

About BBC Radio nan Gàidheal