Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Tasglann: An t-Urr Iain Moireasdan, an Eaglais Shaor Leantainneach

Tasglann: An t-Urr Iain Moireasdan, an Eaglais Shaor Leantainneach

BBC Radio nan Gàidheal - Dèanamaid Adhradh, Tasglann: An t-Urr Iain Moireasdan, an Eaglais Shaor Leantainneach

Seirbheis bho 2002 còmhla ris an Urr Iain Moireasdan, an Eaglais Shaor Leantainneach.

Seirbheis bho 2002 còmhla ris an Urr Iain Moireasdan, an Eaglais Shaor Leantainneach. Gaelic archive service from 2002 conducted by Rev John Morrison, Free Church Continuing.

Anns an t-seirbheis, cluinnear na sailm agus an leughadh a leanas:

Salm 72: 1-3 air fonn London New le Dòmhnall Iain Moireasdan os cionn na seinn le taic bho choitheanal Eaglais Shaor nam Manach Liath ann an Inbhirnis
Salm 31: 23-24 air fonn Bangor le  Tormod MacIllÌosa os cionn na seinn le taic bho Choitheanal Eaglais Shaor Chille-Mhoire san Eilean Sgiathanach
Salm 106: 4-5 air fonn Glencairn le Calum MacSuain os cionn na seinn le taic bho Choitheanal Eaglais na h-Alba air an Tairbeart

Leughadh:  Soisgeul Eòin 6: 26-28
Ceann-teagaisg:  Eòin 6: 26-28

Rugadh agus thogadh an t-Urr Iain Moireasdan ann an Eilean Bheàrnaraigh far an robh athair na mhiseanaraidh. Bha seachdnar anns an teaghlach aca, còignear nighean agus dithis bhalach. Bhàsaich athair ann an 1944 agus thill an teaghlach a Sgalpaigh. 

Às dèidh an sgoil fhàgail chaidh Mgr Moireasdan a dh'obair a Ghlaschu agus chaidh e an uairsin air cùrsa einnseanaireachd gu Colaiste Stow airson dà bhliadhna. Chur e seachad dà bhliadhna aig muir agus thill e air ais a Steòrnabhagh far an do chur e air chois gnìomhachas einnseanaireachd aig Eilean nan Gobhar ann an Steòrnabhagh. 

Chaidh iompachadh ann an 1966 tro mhinistrealachd an Urr Iain Moireasdan a bha aig an àm sin os cionn coitheanal Chrois ann an Nis. Chaidh Mgr Moireasdan air ais a Ghlaschu agus gu Oilthigh Ghlaschu agus an uairsin gu Colaiste na h-Eaglaise Saoire ann an Dùn Èideann airson dreuchd na ministrealachd a thoirt a-mach. 

Chaidh a phòsadh ri coitheanal na h-Eaglaise Saoire anns a' Ghearastan ann an 1975. Dh'fhuirich e an sin gu 1992 nuair a chaidh a phòsadh ri coitheanal Shiaboist. Ann an 1999 chaidh a phòsadh ri coitheanal Chille Mhoire gus an do nochd sgaradh anns an eaglais ann an 2000. Dh'fhuirich Mgr Moireasdan ann an Cille Mhoire far an do thog iad eaglais ùr a dh'fhosgail ann an 2006 airson coitheanal an na h-Eaglaise Saoire Leantainnich anns a' sgìre. 

Leig Mgr Moireasdan dheth a dhreuchd mar mhinistear air coitheanal ann na 2010 agus ghluais e a dh'Inbhirnis. Mar a thuirt e fhèin, "Cha robh mi riamh cho trang sa tha mi nise!" Bidh e gu math tric a' searmonachadh ann an coitheanalan thall 's a-bhos agus cuideachd, bidh e a' toirt seachad òraidean ann an seamanaraidh a chaidh a chur air chois ann an Inbhirnis airson a bhith trèanadh ministearan san Eaglais Shaor Leantainneach.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Tasglann: An t-Urr Iain Moireasdan, an Eaglais Shaor Leantainneach

Genres

Brand

BBC Radio nan Gàidheal

About BBC Radio nan Gàidheal