Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Mgr Dòmhnall MacLeòid, le seirbheis mun mhuir

Rev Roddy John Campbell - Tolsta Free Church 02

Mgr Dòmhnall MacLeòid, le seirbheis mun mhuir

BBC Radio nan Gàidheal - Dèanamaid Adhradh, Mgr Dòmhnall MacLeòid, le seirbheis mun mhuir

Seirbheis shònraichte mun mhuir còmhla ri Mgr D MacLeòid, bho òrdan na White Fathers 2014.

Seirbheis shònraichte mun mhuir còmhla ri Mgr Dòmhnall MacLeòid, bho òrdan na White Fathers. A special sea service conducted by Father Donald MacLeod, Order of the White Fathers.

Anns an t-seirbheis seo cluinnidh sinn na laoidhean agus na leughaidhean a leanas:

Tha Laoidh an Iasgair air a sheinn le Kathleen NicAonghais agus tha Còisir Eaglais Naomh Barr sa Bhàgh a Tuath ann am Barraigh a' seinn na laoidhean, 'Mise Dia nan Muir 's nan Speur' agus 'Thighearna, Thàinig Thu Chun na Linne'. Tha an laoidh Mìorbhail Gràis air a sheinn le Mairi NicAonghais.

Leughaidhean:
Eòin 21: 1-14 agus Mata 14: 22-33 agus a' leughadh tha Anna Nic na Ceardaich.
Lùcas 5: 1-11 agus Lùcas 8: 22-25 agus a' leughadh tha Angela NicFhionghuin.

B' e seo a' chiad turas a chlàr Mgr Domhnall MacLeòid, bho òrdan na White Fathers aig an Eaglais Chaitligeach, seirbheis Ghàidhlig airson radio. Rugadh Mgr Dòmhnall ann an Glaschu ann an 1946 do dh'Annag agus Ruairidh MacLeòid. 'S ann à Barraigh a bha a mhàthair, Annag Bheag Nèill Eubail à Bogach, agus 's ann à Eirisgeidh a bha athair, Ruairidh Beag Aonghais Iain Aonghais às a' Choilleag. Bha sianar anns an teaghlach - dithis nighean agus ceathrar bhalach. Bha an teaghlach a' frithealadh Paraiste Eaglais Moire agus Naomh Mairead ann a sgìre Kinning Park ann an Glaschu. Chaidh Mgr Dòmhnall gu Àrd-sgoil Naomh Gerard ann am Baile Ghobhainn. Na òige dh'ionnsaich e pìobaireachd agus bha e a' faighinn teagasg bho Jimmy Reid, bràthair Maidsear na Pìoba Raibeart Reid, agus bha e cuideachd na bhall de Chòmhlan Pìoba Naomh Prainnseas ann an sgìre na Gorbals.

Ann an 1963 chur e iarratas gu Sgìr-Easbaig Earra Ghàidheil 's nan Eilean agus gu Àrd Sgìr-easbaig Ghlaschu airson ionnsachadh a bhith na shagart ach cha deach cùisean leis. An ath bhliadhna chuir e iarratas gu òrdan na White Fathers ann an Southampton agus bha e soirbheachail dhan turas sin. Thairis air an ath dheich bliadhna bha e a' frithealadh cholaistean eadar Èirinn agus an Fhraing ag ionnsachadh na sagartachd. Gu mi-fhortanach bhàsaich a mhàthair aithghearr ann an 1973, trì bliadhna mus tàinig e a-mach na shagart san Iuchar 1976.

Thairis air bliadhnaichean a shagartachd tha e air a bhith ùine ghoirid a' frithealadh pharaistean ann an Sgìr-easbaig Earra-Ghaidheal 's nan Eilean, ach tha e air a' chuid as motha dha ùine a chuir seachad ann an àiteachan leithid Tanzania, Nairobi agus anns an Ròimh. Bha e mu dheireadh stèidhichte aig òrdan na White Fathers ann an Glaschu.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Mgr Dòmhnall MacLeòid, le seirbheis mun mhuir

Genres

Brand

BBC Radio nan Gàidheal

About BBC Radio nan Gàidheal