Original version

BBC Radio nan Gàidheal

Ceòl air am Bilean

Documentaries

Music: Folk

29/08/2013

BBC Radio nan Gàidheal - Ceòl air am Bilean

Sùil air pròiseact eadar-nàiseanta airson seinn bho bheul-aithris a bhrosnachadh.

Sùil air pròiseact eadar-nàiseanta airson seinn bho bheul-aithris a bhrosnachadh. Gillebrìde MacMillan investigates a unique international project focusing on traditional singing.

'S e pròiseact eadar-nàiseanta a th' ann an EOST, air neo European Oral Singing Tradition, a chaidh a chur air chois na bu tràithe am bliadhna.


Tha luchd-rannsachaidh air fhastadh ann an Uibhist, agus coimhearsnachdan iomallach eile ann an Estonia, san Fhionnlainn, sa Bhreatainn Bhig, aig a bheil dualchas seinn làidir gus sgrudadh a dhèanamh air òrain ionadail agus seinn bheul-aithriseach sna sgìrean.

Thathas an dùil ceanglaichean a thogail eatarra; tha buidheann à Alba air tadhal air an Fhionnlainn agus air Estonia roimhe agus, san Iuchar, ghabh sgoilearan agus luchd-ciùil às an Fhionnlainn agus a' Bhreatainn Bhig pàirt ann an co-labhairt an Uibhist.

'S e fear de phrìomh amasan a' phròiseict gun ionnsaich na diofar choimhearsnachdan a tha an sàs anns a' phròiseict bho chàch a chèile, agus ann an Uibhist tha luchd-stiùiridh Ceòlas, a tha a' toirt taic dhan phròiseact, an dòchas gun cuidich e gus ath-nuadhachadh a thoirt air seinn dhùthchasach san sgìre.

Anns a' phrògram seo, bidh Gillebrìde MacIllemhaoil, a tha na neach-rannsachaidh air a' phròiseact a' toirt sùil nas mionaidiche air an iomairt. Cluinnear bho chuid de mhuinntir na Roinn Eòrpa agus Alba a bha an lathair aig co-labhairt EOST ann an Uibhist 's iad a' meòrachadh air na tha fainear dhaibh a thaobh a' phròiseict agus na tha iad air ionnsachadh gu ruige seo.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Ceòl air am Bilean

Genres

Formats

BBC Radio nan Gàidheal

About BBC Radio nan Gàidheal