Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: Seirbheis bho Chaibeal an Rìgh, Oilthigh Obar Dheathain

Seirbheis bho Chaibeal an Rìgh, Oilthigh Obar Dheathain

BBC Radio nan Gàidheal - Dèanamaid Adhradh, Seirbheis bho Chaibeal an Rìgh, Oilthigh Obar Dheathain

Seirbheis à tasglann a' BhBC bho 1963 còmhla ris an Urr Lachlann MacLeòid.

Seirbheis bho Oilthigh Obar Dheathain còmhla ris an Urr Lachlann MacLeòid bho 1963. Gaelic archive service from Aberdeen University conducted by Rev L MacLeod in 1963.

Anns an t-seirbheis seo cluinnidh sibh na sailm agus na leughaidhean a leanas :
Salm 36: 5-7 air fonn Bedford, Salm 78:5-7 air fonn St David, Salm 36:7-9 air fonn Bangor agus rannan 3-5 às an dàrna laoidh air fonn Stornoway. 'S e Ruairidh Mac a' Ghobhainn a tha os cionn na seinn.

Leughaidhean:
 Salm 68: 1-20 agus a' leugahdh bha Alasdair Moireasdan.
Litir an Abstoil Pòl a-chum nan Ephesianach 4: 1-16 agus a' leughadh bha Calum MacLeòid. 

Chaidh an t-seirbheis seo a chraoladh an toiseach anns a' Mhàirt 1963 nuair a bhathas a' comharrachadh dà fhichead bliadhna bho thòisich craobh-sgaoileadh ann an Alba, agus b' ann aig deireadh 1923 a thòisich craoladh anns a' Ghàidhlig. Chaidh an t-seirbheis a chumail ann an Caibeal an Rìgh aig Oilthigh Obar Dheathain.

Rugadh Lachlann MacLeòid ann am Beàrnaraigh na Hearadh agus chaochail e an Inbhir Nis ann an 1966. Bha e na mhinistear ann an Diùranais san Eilean Sgitheanach, ann an Garabost, Eaglais Chaluim Chille ann an Steòrnabhagh agus ann am baile Urchardan, faisg air Inbhir Nis. An dèidh a bhith ann an Urchardan bha e na shoisgeulaiche Gàidhlig aig Eaglais na h-Alba.

A rèir an Urr Ruairidh MhicLeòid, bha e aon turas a' searmonachadh beò air rèidio agus feumaidh gun deach fios a chuir thuige gu robh an ùine a' ruith. Thubhairt e san t-searmon, "Chan eil fios agamsa de a' Ghàidhlig a tha air BBC mur e 'A bhròinein, bi cabhagach."

Bha a mhac, Iain, na mhaighistir-sgoile agus na Iar-stiùiriche an Fhoghlaim agus bhiodh esan tric a' searmonachadh. Nuair a bhiodh e a' dèanamh na smuaintean aig deireadh na h-oidhche air Telebhisean Ghrampian bho chionn fhada, bhiodh Gàidhlig aige aon oidhche san t-seachdain. Bha mac eile aig Lachlann air an robh Calum, a bha na fhear-lagha ainmeil an Obar Dheathain agus air bòrd-stiùiridh iomadach buidheann.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Seirbheis bho Chaibeal an Rìgh, Oilthigh Obar Dheathain

Genres

Brand

BBC Radio nan Gàidheal

About BBC Radio nan Gàidheal