Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Deanamaid Adhradh

Dèanamaid Adhradh: Donald John Morrison - Evangelist Free Church (Continuing)

03/11/2013

Donald John Morrison - Evangelist Free Church (Continuing)

BBC Radio nan Gàidheal - Dèanamaid Adhradh, Donald John Morrison - Evangelist Free Church (Continuing)

Còmhla ri Dòmhnall I Moireasdan, soisgeulaiche, An Eaglais Shaor Leantainneach, Inbhirnis.

Còmhla ri Dòmhnall Iain Moireasdan, soisgeulaiche, An Eaglais Shaor Leantainneach, Inbhir Nis Religious service with D J Morrison, evangelist with the Free Church (Continuing).

Anns an t-seirbheis cluinnidh sibh na sailm agus an leughadh a leanas:

Salm 89: 15-16 air fonn Torwood, os cionn na seinn bha Alasdair MacLeòid le taic bho choitheanal Eaglais Shaor Shnìosoirt san Eilean Sgiathanach
Salm 63: 2-3 air fonn New London, os cionn na seinn bha Dòmhnall MacLeòid le taic bho choitheanalean eaglaisean Leòdhais agus na Hearadh a chaidh a chlàradh ann an Eaglais Shaor a' Bhac

Leughadh: Eòin 14: 1-21
Ceann-teagaisg: Eòin 14:6


'S e Sgalpach a th' ann an Dòmhnall Iain, agus mar a thuirt e fhèin, "rugadh agus thogadh mi san àite is brèagha de dh'Alba agus am pìos is fheàrr dha na Hearadh". Tha Dòmhnall Iain pòsta aig Heidi, a tha às an Òlaind agus tha dithis chloinne aca.
Mas deach Dòmhnall Iain gu Seamanaraidh na Diadhachd ann an Lunnainn, bha e gu mòr an sàs ann an obair-leasachaidh anns a' sgìre aige fhèin agus e air fhastadh aig Companaidh Leasachaidh na Hearadh Earranta airson còig bliadhna. Anns an ùine sin bha e sàs ann am pròiseactan leasachaidh anns a' choimhearsnachd, a' toirt a-staigh còrr air dà mhillean not de thaic airgid bhon roinn phoblaich agus phrìobhaidaich airson pròiseactan a bha nam buannachd dhan sgìre a bha e riochdachadh.
Dh'fhàg e a dhreuchd ann an 2000 agus chaidh e gu Colaiste na Diadhachd ann an Lunnainn far an do chuir e seachad trì bliadhna.
Tha Dòmhnall Iain air a bhith na Chrìosdaidh bho 1988, às dèidh tubaist le car far an do chaill boireannach a beatha. Tha e an dràsta na mhiseanaraidh dachaigh leis an Eaglais Shaor Leantainneach ann an Inbhirnis agus mar phàirt dhan obair aige bidh e siubhail gu deifir sgìrean ann an Alba, agus air feadh an t-saoghail, a' toirt an t-soisgeul gu aire dhaoine. Gu math tric 's ann a-muigh air an t-sràid a bhios e a' searmonachadh.
Tha ùidh mhòr aig Dòmhnall Iain ann a Moldova, air taobh an Ear na Roinn Eòrpa, agus tha e air tadhail an sin grunn thursan sna bliadhnaichean mu dheireadh. Tha tòrr bochdainn anns a' sgìre seo agus tha Dòmhnall Iain air a thàladh ann leis a' bhuaidh a th' aig suidheachadh nan daoine bochd air agus cuideachd an tarraing spioradail. Tha Dòmhnall Iain an dòchas àit' ùr a thogail dhaibh airson taigh-ùrnaigh agus cuideachd taic a thoirt dha na teaghlaichean bochda.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

Donald John Morrison - Evangelist Free Church (Continuing)

Genres

Brand

BBC Radio nan Gàidheal

About BBC Radio nan Gàidheal