Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Dòmhnall MacAoidh

An t-Urr Dòmhnall MacAoidh

BBC Radio nan Gàidheal - Dèanamaid Adhradh, An t-Urr Dòmhnall MacAoidh

2/2. Seirbheis à tasglann a' BhBC bho 1992 còmhla ris an Urr Dòmhnall MacAoidh.

2/2. Seirbheis à tasglann a' BhBC bho 1992 còmhla ris an Urr Dòmhnall MacAoidh, Eaglais na h-Alba, Beàrnaraigh. Gaelic religious archive service from 1992 with Rev Donald MacKay.

Air an t-seachdain seo, cluinnidh sibh an dàrna seirbheis còmhla ris an Urr Dòmhnall MacAoidh, nach maireann, a bha na mhinistear aig Eaglais na h-Alba ann am Beàrnaraigh nuair a chaidh an t-seirbheis a chlàradh.

Anns an t-seirbheis cluinnidh sibh na sailm is an leughadh a leanas:

Salm 107: 1-2 air fonn Evan, agus os cionn na seinn Coinneach MacIllEathain 
Salm 59: 16-17 air fonn Walsall  agus os cionn na seinn Ruairidh Seathach

Leughadh :              Salm 92: 1-12
Ceann-teagasig:      Leabhar Deuteronmi 33:29.


Rugadh Dòmhnall Aonghas MacAoidh ( Dòmhnall Angaidh Mairead ) ann an Garrabost san Rubha ann a Leòdhas anns a' bhliadhna 1939. Fhuair e oideachadh ann am Bun-sgoil Phaibeil agus Àrd-sgoil MhicNeacail. Nuair a dh’fhàg e an sgoil chaidh e a dh’obair airson greiseag gu bùth 'Willie Òg' faisg air Steòrnabhagh agus an uair sin chaidh e gu Oilthigh Obair Dheathain far an do rinn e trèanadh airson na ministrealachd.

Chaidh Mgr MacAoidh a phòsadh ris a' chiad choitheanal aige ann an 1973 ann an Eaglais na h-Alba ann a Sgarasta sna Hearadh agus chuir e seachad sia bliadhna an sin mas deach e a-null dhan Eilean Sgitheanach. Ann an 1979 chaidh e os cionn Coitheanal Chille Mhoire agus Steinseall airson dà bhliadhna. Anns a' bhliadhna sin cuideachd phòs e Cathy Bochanan à sgìre Bhrèinis ann an Ùige Leòdhais agus bha aon nighean aca air an tug iad Mairead.

Ann an 1981 ghluais an teaghlach gu sgìre Phort nan Long far an robh Dòmhnall os cionn coitheanal Bhràcadail gu 1990.

Ghluais an teaghlach às an Eilean Sgiathanach gu Eilean Bheàrnaraigh ann an 1990 agus bha Mgr MacAoidh a’ frithealadh coitheanal Eilean Bheàrnaraigh airson trì bliadhna gus an do bhris a shlàinte agus a b’fheudar dha a dhreuchd a leigeil seachad.

Bha ùidh mhòr aig Mgr MacAoidh ann a bhith a’ seinn agus bhiodh e cumail sgoil sheinn anns a h-uile coitheanal san robh e stèidhichte agus ùidh shònraichte aige anns na fuinn.

Bhiodh Mgr MacAoidh a’ sgrìobhadh pìosan airson na h-iris mhìosail 'Life and Work' agus bha ùidh mhòr aige anns a’ Ghàidhlig agus bhiodh e ag èisteachd ris a h-uile prògram Gàidhlig a bha ri chluinntinn air an rèidio.

Chuir Mgr MacAoidh seachad na bliadhnaichean mu dheireadh dha bheatha ann an Inbhir Nis far an do chaochail e anns a' Chèitein 1999.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Dòmhnall MacAoidh

Genres

Brand

BBC Radio nan Gàidheal

About BBC Radio nan Gàidheal