Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Iain MacLeòid, Seann Eaglais na Paraiste san Òban

An t-Urr Iain MacLeòid, Seann Eaglais na Paraiste san Òban

BBC Radio nan Gàidheal - Dèanamaid Adhradh, An t-Urr Iain MacLeòid, Seann Eaglais na Paraiste san Òban

Seirbheis à tasglann a' BhBC còmhla ris an Urr Iain MacLeòid, Eaglais na h-Alba bho 1992.

Seirbheis à tasglann a' BhBC bho '92 còmhla ris an Urr Iain MacLeòid (nach maireann). Gaelic religious archive service from '92 with the late Rev John MacLeod.

Anns an t-seirbheis seo cluinnidh sibh na sailm agus an leughadh a leanas.  Chaidh na sailm a chlàradh ann an Eaglais na h-Alba ann am Barabhas. 

Salm 63: 2-3 air fonn London New, os cionn na seinn tha Iain Eachainn MacLeòid 
Salm 65: 2-3 air fonn St David, os cionn na seinn tha Dòmhnall Iain Dòmhnallach 
Salm 90: 1-2 air fonn Kilmarnock, os cionn na seinn tha Iain Dòmhnallach 

Leughadh: Isaiah 54: 7-17
Ceann-teagaisg: Isaiah 54: 10.


Rugadh an t-Urr Iain MacLeòid air 14 Faoilleach 1918 ann an Àrnol air taobh siar Leòdhais. Chaill e athair, 's gun e ach bliadhna a dh'aois, nuair a chaidh an Iolaire às an rathad air Biastan Thuilm air madainn Latha na Bliadhn' Ùire, 1919.

Cheumnaich e an toiseach à Oilthigh Ghlaschu. Fhuair e BD ann am Montreal agus BEd ann an Alberta, an Canada agus bha Teisteanas ann am Foghlam Chuspairean Spioradail aige bho Cholaiste Chnoc Iòrdain an Glaschu. Eadar 1940 agus 1943, bha e anns a' Chabhlach Rìoghail air HMS Ganges agus HMS Eglinton agus, an dèidh dha cead searmonachaidh fhaighinn bho Chlèir Ghlaschu ann an 1945, chaidh e air ais don Chabhlach Rìoghail mar mhinistear.

Phòs e Dolena NicChoinnich à Steòrnabhagh ann an 1948, agus san aon bhliadhna chaidh e a Chanada, far na fhritheil e dà choitheanal, Southampton an Ontario agus Calgary ann an Alberta. Thàinig e a Dhùn Èideann ann an 1961 far an d' fhuair e gairm bho choitheanal Naomh Pòl ann an Newington. Ann an 1967, ghluais e gu Eaglais na Cille Mòire agus Seann Sgìre an Òbain far an robh e gus na leig e dheth uallach coitheanal ann an 1984.

Bha dithis nighean aige fhèin is Dolena, Cairistìona agus Kathreen, ach gu duilich bhàsaich Cairistìona nuair a bha i gu math òg. Bha Kathreen a’ teagasg ceòl anns na sgoiltean airson iomadach bliadhna gus an do leig i dhith a dreuchd.  

A bharrachd air a bhith na shearmonaiche air leth comasach, bha Iain MacLeòid cuideachd na bhàrd tàlantach agus na eadar-theangaiche sgileil. Choisinn e prìomh dhuaisean airson òrain ùra ann an Alba agus aig an Fhèis Phan-Cheilteach an Èirinn agus tha an dà òran, Nam Aonar le mo Smuaintean agus Thoir Dhomh do Làmh, rin cluinntinn tric. Rinn e an t-uabhas eadar-theangachaidean air òrain agus air dàin spioradail.

Bhàsaich Mgr MacLeòid san Dùbhlachd 1995.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Iain MacLeòid, Seann Eaglais na Paraiste san Òban

Genres

Brand

BBC Radio nan Gàidheal

About BBC Radio nan Gàidheal