Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh: An t-Urr Iain (Jack) Macleòid à Siabost 1992

An t-Urr Iain (Jack) Macleòid à Siabost 1992

BBC Radio nan Gàidheal - Dèanamaid Adhradh, An t-Urr Iain (Jack) Macleòid à Siabost 1992

Seirbheis à tasglann a' BhBC bho 1992 còmhla ris an Urr Iain (Jack) Macleòid à Siabost.

Seirbheis à tasglann a' BhBC bho 1992 còmhla ris an Urr Iain (Jack) Macleòid à Siabost, nach maireann.
 Archive service from 1992 with Rev John (Jack) Macleod from Shawbost.

Anns an t-seirbheis, cluinnidh sibh na sailm is an leughadh a leanas:

Salm 16 : 8-9 air fonn Kilmarnock agus ‘s e Aonghas MacAoidh a tha os cionn na seinn le taic bho choitheanal Eaglais Shaor Chàrlabhaigh.

Salm 103: 5-7 air fonn Coleshill agus ‘s e an t-Urr Niall Seathach a tha os cionn na seinn le taic bho choitheanal Eaglais Shaor Caol a' Ghearastain.

Salm 116: 7-8 air fonn Ballerma agus ‘s e Dòmhnall MacSuain a tha os cionn na seinn le taic bho choitheanal Eaglais Shaor Sgalpaigh.

Leughadh:  Soisgeul  Eòin 6,  24-40
Ceann-teagaisg:	Soisgeul Eòin 6, 37

Rugadh an t-Urramach Iain MacLeòid (Jack) ann an Detroit, a chiad mac aig Ceit agus Murchadh MacLeòid  à Siabost.  Dh’imrich athair is màthair Mhgr Mhicleòid gu Detroit anns na ficheadan – gu h-iongantach ged a b’ ann à Siabost a bha an dithis ‘s ann an Detroit a choinnich iad agus a phòs iad.  Rugadh Jack anns an Ògmhios 1926, cha robh e ach bliadhna a dh’aois nuair a thill e fhèin agus a phàrantan air ais a Leòdhas.    
Rugadh an còrr dhan  teaghlach ann a Siabost,  dà nighean agus dà bhalach.   Chaidh Mgr MacLeòid a Bhun-sgoil Shiaboist agus an uairsin gu Àrd-sgoil MhicNeacail.  Chaidh a ghairm dhan chogadh dhan Chabhlach Rìoghail agus thèib e a bheatha a chall dà thuras nuair a chaidh am bàta air an robh e a chur fodha, ach cha do bhruidhinn e mòran mun na suidheachaidhean sin.
Thill Mgr MacLeòid air ais a Shiabost às dèidh a’ choga'dh agus thòisich e ag obair aig na clòithtean.  Thàinig atharrachadh na bheatha agus dh’fhairich e gairm gu obair na ministrealachd.  Le glè bheag de chothroman air a bhith aige a thaobh foghlam roimhe sin, bha aig Mgr MacLeòid ri dhol dhan oilthigh.  Cheumnaich e à  Oilthigh Dhùn Èideann agus chur e seachad trì bliadhna an uairsin ann an Colaiste na h-Eaglaise Saoire ann an Dùn Èideann.   
Choinnich Mgr MacLeòid ri bhean Mairead nuair a bha e na oileanach ann an Dùn Èideann agus phòs iad às dèidh dha cead searmonachaidh fhaighinn.  Chuir e seachad a' chiad trì bliadhna den mhinistrealachd na iar-mhinistear air coitheanal  a’ Ghearastain ann an Ontario,  an Canada. 
Thàinig iad a dh’fhuireach a Leòdhas ann an 1959 far an deach a phòsadh ri Eaglais Shaor na Pàirce, coitheanal a bha e a’ frithealadh airson ochd bliadhna.   Ann an 1967 agus ceathrar a theaghlach a-nise aca,  fhuair Mgr MacLeòid gairm gu Eaglais Shaor Thoronto far an do chuir e seachad sia bliadhna.
Anns an Ògmhios 1973 thill an teaghlach air ais dhan rìoghachd seo agus chaidh Mgr MacLeòid a phòsadh ri coitheanal na h-Eaglaise Saoire ann an Lunnainn  far an robh e airson ceithir bliadhna.
B' ann an Eaglais Shaor an Rubha  a chrìochnaich Mgr MacLeòid an obair aige mar mhinistear os cionn coitheanal  - chaidh a phòsadh ris a' choitheanal sin ann an 1977.  Fhads a bha e na mhinistear an sin  bha e gu math tinn airson ùine às dèidh obair- lannsa air a chridhe.    Bha e na mhodaràtor air Àrd-sheanadh na h-Eaglaise Saoire ann an 1987. Leig e dheth a dhreuchd ann an 1991. 
Mar mhinistear air coitheanal bha Mgr MacLeòid an còmhnaidh a' gabhail ùidh anns na bha a' dol air adhart sa choimhearsnachd agus san sgìre san robh e stèidhichte.  Bhiodh e dol gu coinneamhan  anns a' choimhearsnachd agus an còmhnaidh a’ toirt taic dhaibh.   Bha ùidh mhòr aige ann am ball-coise cuideachd.
Chaidh Mgr MacLeòid ‘s a bhean a dh’fhuireach a Shiabost airson grunn bhliadhnaichean às dèidh dha a dhreuchd a leigeil dheth ach anns an ùine sin bha iad tric a’ siubhail air ais agus air adhart.  Mu dheireadh, a thaobh dìth slàinte agus feum aige a bhith a’ frithealadh an ospadail tric, ghluais iad a Steòrnabhagh.  Anns an Iuchar 2001 dìreach bliadhna mas do chaochail e, ged nach robh e cumail cho math, chaidh e gu banais a' chiad ogha aige anns an Òlaind.  Chaochail Mgr MacLeòid san Iuchar 2002.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Iain (Jack) Macleòid à Siabost 1992

Genres

Brand

BBC Radio nan Gàidheal

About BBC Radio nan Gàidheal