Dèanamaid Adhradh Tasglann

Original version

BBC Radio nan Gàidheal

Dèanamaid Adhradh

Religion & Ethics

Adhradh is seirbhisean-eaglaise. Acts of worship and church services

Adhradh is seirbhisean-eaglaise. Acts of worship and church services.

Dèanamaid Adhradh 

Dèanamaid Adhradh: An t-Urr Coinneach Dòmhnallach, Eaglais Shaor Ros Cuithne

An t-Urr Coinneach Dòmhnallach, Eaglais Shaor Ros Cuithne

BBC Radio nan Gàidheal - Dèanamaid Adhradh, An t-Urr Coinneach Dòmhnallach, Eaglais Shaor Ros Cuithne

Seirbheis à tasglann a' BhBC còmhla ris an Urr C Dòmhnallach, Eaglais Shaor Ros Cuithne.

Seirbheis à tasglann a' BhBC 1989 còmhla ris an Urr Coinneach Dòmhnallach, Eaglais Shaor Ros Cuithne. Gaelic archive service with Rev Kenneth MacDonald, Rosskeen Free Church.

Anns an t-seirbheis an-diugh cluinnidh sibh seirbheis a chaidh a chraoladh an toiseach san Iuchar 1989 còmhla ris an Urr Coinneach Dòmhnallach a bha na mhinistear ann an Eaglais Shaor Ros Cuithne.

Anns an t-seirbheis cluinnidh sibh na sailm agus an leughadh a leanas:

Salm 23: 1-2 air fonn Free Church agus 's e Aonghas Dòmhnallach a tha os cionn na seinn le taic bho choitheanal seamanaraidh na h-Eaglaise Saoire ann an Steòrnabhagh.

Salm 84: 11-12 air fonn Moravia agus 's e Murchadh Moireasdan a tha os cionn na seinn le taic bho choitheanal Eaglais Shaor Sgalapaigh. 

Salm 96: 7-8 air fonn Kilmarnock agus 's e Coinneach Urchardan a tha os cionn na seinn le taic bho choitheanal Eaglais Shaor Gheàrrloch.

Leughadh: 1 Tesalonianaich 5: 12-19
Ceann-teagaisg: 1 Tesalonianaich 5: 19.

Rugadh an t-Urr Coinneach Dòmhnallach anns an Eilean Sgiathanach ann an 1935. Às dèidh Seirbhis Nàiseanta a' dhèanamh chaidh e an uair sin a dh'obair gu Roinn nan Cusbainn agus thug an obair e gu ruige Steòrnabhagh. Fhad 's a bha e ann an Leòdhas bha e am measg na ciad chomhairlichean a chaidh a thaghadh airson Comhairle nan Eilean Siar ann an 1974 agus e a' riochdachadh Sgìre Chuil. Bha e cuideachd na chluicheadair ball-coise air leth. Dh'fhàg Mgr Dòmhnallach a dhreuchd aig Roinn nan Cusbainn gus slighe eile a ghabhail na bheatha agus chaidh e air ais dhan cholaiste airson trèanadh airson na ministrealachd.

Fhad 's a bha e na oileanach ann an Colaiste na h-Eaglaise Saoire ann an 1981 thàinig an naidheachd dhuilich gun robh an nighean aige, Alison, air chall ann an Kashmir 's gun i ach 19 agus i air thuras còmhla ri caraid anns na h-Innseachan. Chum Mgr Dòmhnallach air a' strì airson lorg fhaighinn air Alison còrr air 30 bliadhna agus e cinnteach gu robh i fhathast beò agus gu faiceadh e a-rithist i. Chaidh e fhèin 's a bhean, Reta, gu ruige na h-Innseachan còrr air fichead turas thar nam bliadhnaichean.

Às dèidh an trèanadh aige a dhèanamh ann an Colaiste na h-Eaglaise Saoire, chaidh Mgr Dòmhnallach a ghairm gu coitheanal Ros Cuithne ann an 1984, bha e an sin airson aona bliadhna deug. B' fheudar dha a dhreuchd mar mhinistear air coitheanal a leigeil dheth agus e a' fulang le MS ach, a' dh'aindheoin sin, bha e fhathast a' searmonachadh thall 's a bhos, ged a bha a fhradharc a' fàilligeadh.

Bhàsaich Mgr Dòmhnallach air 20 den Fhaoilleach 2018 aig aois 83 anns an ospadal ann an Drochaid a' Bhanna ann an Cataibh, a' fàgail a bhean Reta agus triùir de theaghlach a bharrachd air Alison.

Èist ri naidheachdan, còmhradh, ceòl agus spòrs gach là, moch gu anmoch.

Accessibility links

Programme Index

Dèanamaid Adhradh

An t-Urr Coinneach Dòmhnallach, Eaglais Shaor Ros Cuithne

Genres

Brand

BBC Radio nan Gàidheal

About BBC Radio nan Gàidheal