San Dùbhlachd, bidh 100 bliadhna ann bho chaidh a' Ghàidhlig a chraoladh air a' BhBC airson a' chiad uair. Agus gus sin a chomharrachadh, tha craoladairean BBC Radio nan Gàidheal a' là an-diugh a' dèanamh taghadh de phrògraman a bha cho làidir 's gun tug iad orra stad 's èisteachd gu dlùth gu deireadh a' phrògraim.

Tha Niall Iain Dòmhnallach air prògram a thaghadh a thug air fhèin stad nuair a chuala e e son a' chiad uair - Lorgan M' Òige, prògram a rinn athair, Màrtainn Dòmhnallach, ann an 2003. Tha am prògram na shealladh pearsanta air òige Mhàrtainn san Eilean Sgitheanach, air a sgrìobhadh gu h-eirmseach, gu h-inntinneach, agus gu h-ealanta.

Ach mar a tha Niall Iain a' mìneachadh, bha e cuideachd na chothrom dha fhèin rudan ionnsachadh mu athair agus mu theaghlach nach b' aithne dha gun cuala e am prògram. Show less