Mae Leisa Gwenllian yn mynd ar daith i ardal Machynlleth i gyfarfod rhai o’r bobol yno sydd yn gwneud gwaith difyr ac anhygoel i wella’r amgylchedd. Mae’n ymweld â:

Canolfan y Dechnoleg Amgen, CAT, ac yn darganfod mwy am y gwaith sydd yn digwydd yna.

Y cerddor Liam Ricard sydd wedi astudio Pensaernïaeth a bellach yn astudio Gradd Meistr mewn Adeiladu Gwyrdd.

Sally Carr ac Alys Rees sydd yn sôn am y ganolfan ddechreuodd bron i hanner can mlynedd nol gan griw o wirfoddolwyr oedd yn awyddus i fyw bywyd heb ddibynnu ar danwydd ffosil.

Criw sydd ynghlwm a thyfu llysiau mewn darnau o dir sydd ynghanol Machynlleth, Tyfu Dyfi a Mach Maethlon. Gobaith Jane Powell yw cael mwy o bobol i dyfu bwyd eu hunain a dechrau garddio.

Siân Stacey o Tir Canol - eu bwriad ydi dod a phawb at ei gilydd a gwella natur yn y Canolbarth, er budd i fyd natur. Maen nhw’n siarad gyda channoedd o bobol – ac yn ceisio di-garboneiddio, hybu cydweithio ar draws tirfeddianwyr a chreu gwahaniaeth. Mae hi hefyd yn ymgyrchu i gael gwell darpariaeth feics yn y Canolbarth, a gwell cyswllt rhwng Machynlleth ac Aberystwyth.

Andy Rowlands, Eco Dyfi, sydd yn sôn am brosiectau ynni yn yr ardal.

Geraint Evans, un o Gyfarwyddwyr Cwmni Dulas. Fe ddechreuodd y cwmni yn CAT ac mae bellach yn cyflogi 60 o bobol gan greu oergelloedd sydd yn rhedeg ar ynni’r haul ac yn cael eu hallforio ar draws y byd. Show less